अष्टकम्

श्री सुब्रह्मण्य मङ्गलाष्टकम्

श्री सुब्रह्मण्य मङ्गलाष्टकम्

परिचय

श्री सुब्रह्मण्य मङ्गलाष्टकम् को अष्टकम् के रूप में प्रस्तुत किया गया है, जो श्लोकों की एक केंद्रित श्रृंखला से जुड़ी एक भक्ति-स्तुति है। यह मार्गदर्शिका संदर्भ देती है और पाठ या व्याख्या का कोई एक निश्चित ढंग नहीं बताती।

पाठ

शिवयोस्तनुजायास्तु श्रितमन्दारशाखिने ।

शिखिवर्यतुरङ्गाय सुब्रह्मण्याय मङ्गलम् ॥ १ ॥

भक्ताभीष्टप्रदायास्तु भवरोगविनाशिने ।

राजराजादिवन्द्याय रणधीराय मङ्गलम् ॥ २ ॥

शूरपद्मादिदैतेयतमिस्रकुलभानवे ।

तारकासुरकालाय बालकायास्तु मङ्गलम् ॥ ३ ॥

वल्लीवदनराजीव मधुपाय महात्मने ।

उल्लसन्मणिकोटीरभासुरायास्तु मङ्गलम् ॥ ४ ॥

कन्दर्पकोटिलावण्यनिधये कामदायिने ।

कुलिशायुधहस्ताय कुमारायास्तु मङ्गलम् ॥ ५ ॥

मुक्ताहारलसत्कण्ठराजये मुक्तिदायिने ।

देवसेनासमेताय दैवतायास्तु मङ्गलम् ॥ ६ ॥

कनकाम्बरसंशोभिकटये कलिहारिणे ।

कमलापतिवन्द्याय कार्तिकेयाय मङ्गलम् ॥ ७ ॥

शरकाननजाताय शूराय शुभदायिने ।

शीतभानुसमास्याय शरण्यायास्तु मङ्गलम् ॥ ८ ॥

मङ्गलाष्टकमेतद्ये महासेनस्य मानवाः ।

पठन्ती प्रत्यहं भक्त्या प्राप्नुयुस्ते परां श्रियम् ॥ ९ ॥

इति श्री सुब्रह्मण्य मङ्गलाष्टकम् ।