स्तोत्र

श्री शनि अष्टोत्तरशतनाम स्तोत्रम् 1

परिचय

श्री शनि अष्टोत्तरशतनाम स्तोत्रम् 1 को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

शनैश्चराय शान्ताय सर्वाभीष्टप्रदायिने ।

शरण्याय वरेण्याय सर्वेशाय नमो नमः ॥ १ ॥

सौम्याय सुरवन्द्याय सुरलोकविहारिणे ।

सुखासनोपविष्टाय सुन्दराय नमो नमः ॥ २ ॥

घनाय घनरूपाय घनाभरणधारिणे ।

घनसारविलेपाय खद्योताय नमो नमः ॥ ३ ॥

मन्दाय मन्दचेष्टाय महनीयगुणात्मने ।

मर्त्यपावनपादाय महेशाय नमो नमः ॥ ४ ॥

छायापुत्राय शर्वाय शरतूणीरधारिणे ।

चरस्थिरस्वभावाय चञ्चलाय नमो नमः ॥ ५ ॥

नीलवर्णाय नित्याय नीलाञ्जननिभाय च ।

नीलाम्बरविभूषाय निश्चलाय नमो नमः ॥ ६ ॥

वेद्याय विधिरूपाय विरोधाधारभूमये ।

भेदास्पदस्वभावाय वज्रदेहाय ते नमः ॥ ७ ॥

वैराग्यदाय वीराय वीतरोगभयाय च ।

विपत्परम्परेशाय विश्ववन्द्याय ते नमः ॥ ८ ॥

गृध्नवाहाय गूढाय कूर्माङ्गाय कुरूपिणे ।

कुत्सिताय गुणाढ्याय गोचराय नमो नमः ॥ ९ ॥

अविद्यामूलनाशाय विद्याऽविद्यास्वरूपिणे ।

आयुष्यकारणायाऽऽपदुद्धर्त्रे च नमो नमः ॥ १० ॥

विष्णुभक्ताय वशिने विविधागमवेदिने ।

विधिस्तुत्याय वन्द्याय विरूपाक्षाय ते नमः ॥ ११ ॥

वरिष्ठाय गरिष्ठाय वज्राङ्कुशधराय च ।

वरदाऽभयहस्ताय वामनाय नमो नमः ॥ १२ ॥

ज्येष्ठापत्नीसमेताय श्रेष्ठाय मितभाषिणे ।

कष्टौघनाशकर्याय पुष्टिदाय नमो नमः ॥ १३ ॥

स्तुत्याय स्तोत्रगम्याय भक्तिवश्याय भानवे ।

भानुपुत्राय भव्याय पावनाय नमो नमः ॥ १४ ॥

धनुर्मण्डलसंस्थाय धनदाय धनुष्मते ।

तनुप्रकाशदेहाय तामसाय नमो नमः ॥ १५ ॥

अशेषजनवन्द्याय विशेषफलदायिने ।

वशीकृतजनेशाय पशूनां पतये नमः ॥ १६ ॥

खेचराय खगेशाय घननीलाम्बराय च ।

काठिन्यमानसायाऽऽर्यगणस्तुत्याय ते नमः ॥ १७ ॥

नीलच्छत्राय नित्याय निर्गुणाय गुणात्मने ।

निरामयाय निन्द्याय वन्दनीयाय ते नमः ॥ १८ ॥

धीराय दिव्यदेहाय दीनार्तिहरणाय च ।

दैन्यनाशकरायाऽऽर्यजनगण्याय ते नमः ॥ १९ ॥

क्रूराय क्रूरचेष्टाय कामक्रोधकराय च ।

कलत्रपुत्रशत्रुत्वकारणाय नमो नमः ॥ २० ॥

परिपोषितभक्ताय परभीतिहराय च ।

भक्तसङ्घमनोऽभीष्टफलदाय नमो नमः ॥ २१ ॥

इत्थं शनैश्चरायेदं नाम्नामष्टोत्तरं शतम् ।

प्रत्यहं प्रजपन्मर्त्यो दीर्घमायुरवाप्नुयात् ॥ २२ ॥

इति श्री शनि अष्टोत्तरशतनाम स्तोत्रम् ।