भक्ति पाठ

यतिपञ्चकम्

परिचय

यह मौलिक मार्गदर्शिका यतिपञ्चकम् और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

वेदान्तवाक्येषु सदा रमन्तः

भिक्षान्नमात्रेण च तुष्टिमन्तः ।

विशोकमन्तःकरणे रमन्तः

कौपीनवन्तः खलु भाग्यवन्तः ॥ १ ॥

मूलं तरोः केवलमाश्रयन्तः

पाणिद्वयं भोक्तुममन्त्रयन्तः ।

श्रियं च कन्थामिव कुत्सयन्तः

कौपीनवन्तः खलु भाग्यवन्तः ॥ २ ॥

देहादिभावं परिमार्जयन्तः

आत्मानमात्मन्यवलोकयन्तः ।

नान्तं न मध्यं न बहिः स्मरन्तः

कौपीनवन्तः खलु भाग्यवन्तः ॥ ३ ॥

स्वानन्दभावे परितुष्टिमन्तः

संशान्तसर्वेन्द्रियदृष्टिमन्तः ।

अहर्निशं ब्रह्मणि ये रमन्तः

कौपीनवन्तः खलु भाग्यवन्तः ॥ ४ ॥

ब्रह्माक्षरं पावनमुच्चरन्तः

पतिं पशूनां हृदि भावयन्तः ।

भिक्षाशना दिक्षु परिभ्रमन्तः

कौपीनवन्तः खलु भाग्यवन्तः ॥ ५ ॥

कौपीनपञ्चरत्नस्य मननं याति यो नरः ।

विरक्तिं धर्मविज्ञानं लभते नात्र संशयः ॥

इति श्री शङ्करभगवत्पाद विरचितं यतिपञ्चकम् ॥

"देवनागरि" ,