स्तोत्र

श्री राहु स्तोत्रम् १

श्री राहु स्तोत्रम् १

परिचय

श्री राहु स्तोत्रम् १ को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

नमस्ते दैत्यरूपाय देवारिं प्रणमाम्यहम् ।

नमस्ते सर्वभक्ष्याय घोररूपाय वै नमः ॥ १ ॥

त्वं ब्रह्मा वरुणो देवस्त्वं विष्णुस्त्वं हरिः शिवः ।

मर्त्यलोके भवान्प्रीतः संसारजनतारकः ॥ २ ॥

कूटपर्वतदुर्गाणि नगराणि पुराणि च ।

यस्य क्रोधवशाद्भस्मीभवन्ति क्षणमात्रकम् ॥ ३ ॥

धूम्रवर्णो भवान् राहू रक्ताक्षः पिङ्गलोपमः ।

क्रूरग्रहस्तथा भीमो यमरूपो महाबलः ॥ ४ ॥

यस्य स्थाने पञ्चमेऽपि षष्ठे चैव तृतीयके ।

दशमैकादशे चैव तस्य श्रेयः करोत्यलम् ॥ ५ ॥

अन्नं खड्गं च यद्दत्तं राहवे सुफलप्रदम् ।

पृथिव्यां ब्रह्मपीडां च गोपीडां तन्निवारयेत् ॥ ६ ॥

कृमिकीटपतङ्गेषु चरन्तं सचराचरम् ।

गोदानं भूमिदानं च ह्यन्नं वस्त्रं च दापयेत् ॥ ७ ॥

सौवर्णरौप्यदानं च कन्यादानं च तत्क्षणात् ।

एतद्दानं च सम्पूर्णं राहुमोक्षकरं नृणाम् ।

अस्य स्तोत्रस्य माहात्म्याद्राहुपीडा विनश्यति ॥ ८ ॥

रक्ताक्षो धूम्रवर्णाभो विजितारिर्महाबलः ।

अबाहुश्चान्तरिक्षस्थः स राहुः प्रीयतां मम ॥ ९ ॥

इति राहु स्तोत्रम् ।