स्तोत्र

श्री राघवेन्द्र ऋणमोचन स्तोत्रम्

परिचय

श्री राघवेन्द्र ऋणमोचन स्तोत्रम् को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

श्रितजनदुरितघ्नं भक्तवर्गस्य निघ्नं

सुरतरुसमरूपं सर्वसाम्राज्यभूपम् ।

भजकजनशरण्यं नौमि कारुण्यपूर्णं

कुरु ऋणपरिहारं तात मे राघवेन्द्र ॥ १ ॥

रचितभयविनाश श्रीद सम्पत्समृद्ध

प्रियतमपर दीनाऽनाथबन्धो नमस्ते ।

निटिलगतकुवर्णश्रेणिवैय्यर्थकारिन्

कुरु ऋणपरिहारं तात मे राघवेन्द्र ॥ २ ॥

घनतरहरिसेवोत्कर्षलब्धाष्टसिद्धे

वितरणगुणलीलाधिक्कृत स्वर्द्रुकीर्ते ।

निखिलगुणनिधानश्लाघ्यसौभाग्यमूर्ते

कुरु ऋणपरिहारं तात मे राघवेन्द्र ॥ ३ ॥

विदितविविधवेदव्यासवाक्यार्थमध्व-

-प्रकटितमतभावव्याकृतिप्रोपकर्तः ।

कृतकलिकृतदोषोच्चाटन क्षेमकारिन्

कुरु ऋणपरिहारं तात मे राघवेन्द्र ॥ ४ ॥

द्रविणरहितलोकास्त्वामुपाश्रित्य सर्वे

कलितसकलकामाः सन्ति सौख्येन भूमौ ।

इदमहमपि मत्वा संसृतस्त्वामुदारं

कुरु ऋणपरिहारं तात मे राघवेन्द्र ॥ ५ ॥

यतिवर बहुभक्तत्राणनात् पाटवं ते

किमु गलितमुताऽहं नास्मि किं रक्षणार्हः ।

द्वयमपि न हि युक्तं सर्वतन्त्रस्वतन्त्रे

कुरु ऋणपरिहारं तात मे राघवेन्द्र ॥ ६ ॥

नरमितरमुदारं सेवमानोऽपि भूयः

सुखमहमिह नापं पूर्वकर्मानुरोधात् ।

तदपि झटति धूत्वा रक्षसीत्याश्रये त्वां

कुरु ऋण परिहारं तात मे राघवेन्द्र ॥ ७ ॥

मम तु भवति मित्रे बान्धवे मातरीष्टे

पितरि सति वदान्ये सद्गुरौ वा समर्थे ।

व्यसनमनुभवामि त्वत्सुतः साम्प्रतं किं

कुरु ऋणपरिहारं तात मे राघवेन्द्र ॥ ८ ॥

इति गुरुवर पुत्रो नाम कृष्णावधूतः

चकर ऋणविनाशस्तोत्रमेतद्गुणानाम् ।

पठति शतदिनं यो नित्यमेतत् त्रिवारं

कुरु ऋणपरिहारं तात मे राघवेन्द्र ॥ ९ ॥

ऋणमोचनकं नाम स्तोत्रं प्रत्यक्षसिद्धिदम् ।

कुरु ऋणपरिहारं तात मे राघवेन्द्र ॥ १० ॥

इति श्रीमत्कृष्णावधूतपण्डितकृतौ श्रीराघवेन्द्रतन्त्रे ऋणमोचनं नाम द्वादशपटलः ॥