स्तोत्र

श्री राघवेन्द्र दारिद्र्यमोचन स्तोत्रम्

परिचय

श्री राघवेन्द्र दारिद्र्यमोचन स्तोत्रम् को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

श्रितानां पादं ते सकलविधया शोकहरण

त्वमेवाम्बा तातस्त्वमसि मम मित्रं सरलहृत् ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ १ ॥

रतं वा दुष्कार्ये त्यजति सुतमम्बा किमु पिता

कृपां कृत्वा शिश्नोदरकृत महागस्यपि मयि ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ २ ॥

घनाघो वा दीनोऽवयवविकलो वाक्षविकलः

प्रपन्नश्चेत्पादं तव सुखयसीत्यागममहम् ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ३ ॥

वदान्यात् त्वद्भूमौ दिवि सुरभि कल्पद्रुदृषदां

लघुत्वं जानेऽहं वितरणमिदं वीक्ष्य भवतः ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ४ ॥

द्रवत्कारुण्य श्रीपरिमलसमुद्गारिहृदय

त्वदन्यो दाता चेद्भवति कथमायामि वाद मे ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ५ ॥

यथाशक्त्याऽऽराध्य प्रसभममरानप्यथ नरान्

व्रजन् देशं देशं श्रमजनिरभूवं न च धनी ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ६ ॥

न बाधन्ते दारा किमिदमधुना मे प्रिय दिशे-

-त्यमुं मां दारिद्र्य व्यसन परिपिण्डीकृत हृदम् ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ७ ॥

महोदारे भूम्नि त्वयि पितरि पुत्रोऽहमधुना

जरत्काकावस्थां भृशमनुभवामीश किमिदम् ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ८ ॥

गुरोः पुत्रः कृष्णसुकविरवधूतः स्तवमहं

चकारैकश्वासात् सरलमिदमादृत्य पठताम् ।

प्रदातुं स्वच्छन्दं द्रविणमनृणं वत्सल गुरो

कलत्राद्यैः साकं सततमनुभोक्तुं च वितर ॥ ९ ॥

इति श्रीकृष्णावधूत पण्डित कृतौ श्रीराघवेन्द्रतन्त्रे नवमपटले दारिद्र्यमोचनस्तोत्रं नाम नवमोऽध्यायः ॥