भक्ति पाठ

श्री पार्वती पञ्चकम् – २

श्री पार्वती पञ्चकम् – २

परिचय

यह मौलिक मार्गदर्शिका श्री पार्वती पञ्चकम् – २ और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

विनोदमोदमोदिता दयोदयोज्ज्वलान्तरा

निशुम्भशुम्भदम्भदारणे सुदारुणाऽरुणा ।

अखण्डगण्डदण्डमुण्डमण्डलीविमण्डिता

प्रचण्डचण्डरश्मिरश्मिराशिशोभिता शिवा ॥ १ ॥

अमन्दनन्दिनन्दिनी धराधरेन्द्रनन्दिनी

प्रतीर्णशीर्णतारिणी सदार्यकार्यकारिणी ।

तदन्धकान्तकान्तकप्रियेशकान्तकान्तका

मुरारिकामचारिकाममारिधारिणी शिवा ॥ २ ॥

अशेषवेषशून्यदेशभर्तृकेशशोभिता

गणेशदेवतेशशेषनिर्निमेषवीक्षिता ।

जितस्वशिञ्जिताऽलिकुञ्जपुञ्जमञ्जुगुञ्जिता

समस्तमस्तकस्थिता निरस्तकामकस्तवा ॥ ३ ॥

ससम्भ्रमं भ्रमं भ्रमं भ्रमन्ति मूढमानवा

मुदा बुधाः सुधां विहाय धावमानमानसाः ।

अधीनदीनहीनवारिहीनमीनजीवना

ददातु शम्प्रदाऽनिशं वशंवदार्थमाशिषम् ॥ ४ ॥

विलोललोचनाञ्चितोचितैश्चिता सदा गुणै-

-रपास्यदास्यमेवमास्यहास्यलास्यकारिणी ।

निराश्रयाऽऽश्रयाश्रयेश्वरी सदा वरीयसी

करोतु शं शिवाऽनिशं हि शङ्कराङ्कशोभिनी ॥ ५ ॥

इति श्रीमच्छङ्कराचार्य विरचितं श्री पार्वती पञ्चकम् ।

"देवनागरि" ,