स्तोत्र

श्री नृसिंह स्तोत्रम् – ५ (श्रीवासुदेवानन्द सरस्वति कृतम्)

श्री नृसिंह स्तोत्रम् – ५ (श्रीवासुदेवानन्द सरस्वति कृतम्)

परिचय

श्री नृसिंह स्तोत्रम् – ५ (श्रीवासुदेवानन्द सरस्वति कृतम्) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

जय जय भयहारिन् भक्तचित्ताब्जचारिन्

जय जय नयचारिन् दृप्तमत्तारिमारिन् ।

जय जय जयशालिन् पाहि नः शूरसिंह

जय जय दययार्द्र त्राहि नः श्रीनृसिंह ॥ १ ॥

असुरसमरधीरस्त्वं महात्मासि जिष्णो

अमरविसरवीरस्त्वं परात्मासि विष्णो ।

सदयहृदय गोप्ता त्वन्न चान्यो विमोह

जय जय दययार्द्र त्राहि नः श्रीनृसिंह ॥ २ ॥

खरतरनखरास्त्रं स्वारिहत्यै विधत्से

परतरवरहस्तं स्वावनायैव धत्से ।

भवभयभयकर्ता कोऽपरास्तार्क्ष्यवाह

जय जय दययार्द्र त्राहि नः श्रीनृसिंह ॥ ३ ॥

असुरकुलबलारिः स्वेष्टचेतस्तमोऽरिः

सकलखलबलारिस्त्वं स्वभक्तारिवैरी ।

त्वदित स इनदृक् सत्पक्षपाती न चेह

जय जय दययार्द्र त्राहि नः श्रीनृसिंह ॥ ४ ॥

सकलसुरबलारिः प्राणिमात्रापकारी

तव भजकवरारिर्धर्मविध्वंसकारी ।

सुरवरवरदृप्तः सोऽप्यरिस्ते हतो ह

जय जय दययार्द्र त्राहि नः श्रीनृसिंह ॥ ५ ॥

दहनादहहाब्धिपातना-

-द्गरदानाद्भृगुपातनादपि ।

निजभक्त इहावितो यथा

नरसिंहापि सदाव नस्तथा ॥ ६ ॥

निजभृत्यविभाषितं मितं

खलु कर्तुं त्वमृतं दयाकर ।

निजरूपं नरसिंह धीश्वर ॥ ७ ॥

नाराधनं न हवनं न तपो जपो वा

तीर्थं व्रतं न च कृतं श्रवणादि नो वा ।

सेवा कुटुम्बभरणाय कृतादिदीना

दीनार्तिहन् नरहरेऽघहरे ह नोऽव ॥ ८ ॥

इति श्रीमत्परमहंस परिव्राजकाचार्य श्रीवासुदेवानन्दसरस्वती विरचितं श्री नरसिंह स्तोत्रम् ।

"देवनागरि" ,