स्तोत्र

श्री नृसिंह स्तोत्रम् – ३ (रामसत्कवि कृतम्)

श्री नृसिंह स्तोत्रम् – ३ (रामसत्कवि कृतम्)

परिचय

श्री नृसिंह स्तोत्रम् – ३ (रामसत्कवि कृतम्) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

श्रीरमाकुचाग्रभासिकुङ्कुमाङ्कितोरसं

तापनाङ्घ्रिसारसं सदादयासुधारसम् ।

कुन्दशुभ्रशारदारविन्दचन्द्रसुन्दरं

सिंहशैलमन्दिरं नृसिंहदेवमाश्रये ॥ १ ॥

पापपाशमोचनं विरोचनेन्दुलोचनं

फाललोचनादिदेवसन्नुतं महोन्नतम् ।

शेषतल्पशायिनं मनोरथप्रदायिनं

सिंहशैलमन्दिरं नृसिंहदेवमाश्रये ॥ २ ॥

सञ्चरस्सटाजटाभिरुन्नमेघमण्डलं

भैरवारवाटहासभेदिदामिहोदरम् ।

दीनलोकसादरं धराभरं जटाधरं

सिंहशैलमन्दिरं नृसिंहदेवमाश्रये ॥ ३ ॥

शाकिनीपिशाचिघोरढाकिनीभयङ्करं

ब्रह्मराक्षसव्यथा क्षयङ्करं शिवङ्करम् ।

देवतासुहृत्तमं दिवाकरं सुधाकरं

सिंहशैलमन्दिरं नृसिंहदेवमाश्रये ॥ ४ ॥

मत्स्यकूर्मक्रोडनारसिंहवामनाकृतिं

भार्गवं रघूद्वहं प्रलम्भगर्पुरापहम् ।

बुद्धकल्किविग्रहं जगद्विरोधिनिग्रहं

सिंहशैलमन्दिरं नृसिंहदेवमाश्रये ॥ ५ ॥

धारुणी वधूमणी गृहीतपादपल्लवं

नन्दगोष्ट्रवल्लवीसतीमनोज्ञवल्लभम् ।

मायिनां विशारदं भवाम्बुराशिपारदं

सिंहशैलमन्दिरं नृसिंहदेवमाश्रये ॥ ६ ॥

मोहतापहारिणं गदारथाङ्गधारिणं

श्रीमनोविहारिणं विदेहजोर्निवारिणम् ।

दानवेन्द्रवैरिणं तपोधनेष्टकारिणं

सिंहशैलमन्दिरं नृसिंहदेवमाश्रये ॥ ७ ॥

रामसत्कविप्रणीतमेतदष्टका शिवं

देवसारसङ्ग्रहं महोग्रपातकान्तकम् ।

जल्पितां निरन्तरं समस्तकामपूरकं

सिंहशैलमन्दिरं नृसिंहदेवमाश्रये ॥ ८ ॥

इति रामसत्कवि कृत श्री नृसिंह अष्टक स्तोत्रम् ॥

"देवनागरि" ,