अष्टकम्

श्री कृष्ण शरणाष्टकम् – ३

श्री कृष्ण शरणाष्टकम् – ३

परिचय

श्री कृष्ण शरणाष्टकम् – ३ को अष्टकम् के रूप में प्रस्तुत किया गया है, जो श्लोकों की एक केंद्रित श्रृंखला से जुड़ी एक भक्ति-स्तुति है। यह मार्गदर्शिका संदर्भ देती है और पाठ या व्याख्या का कोई एक निश्चित ढंग नहीं बताती।

पाठ

द्विदलीकृतदृक्स्वास्यः पन्नगीकृतपन्नगः ।

कृशीकृतकृशानुश्च श्रीकृष्णः शरणं मम ॥ १ ॥

फलीकृतफलार्थी च कुत्सितीकृतकौरवः ।

निर्वातीकृतवातारिः श्रीकृष्णः शरणं मम ॥ २ ॥

कृतार्थीकृतकुन्तीजः प्रपूतीकृतपूतनः ।

कलङ्कीकृतकंसादिः श्रीकृष्णः शरणं मम ॥ ३ ॥

सुखीकृतसुदामा च शङ्करीकृतशङ्करः ।

सितीकृतसरिन्नाथः श्रीकृष्णः शरणं मम ॥ ४ ॥

छलीकृतबलिद्यौर्यो निधनीकृतधेनुकः ।

कन्दर्पीकृतकुब्जादिः श्रीकृष्ण शरणं मम ॥ ५ ॥

महेन्द्रीकृतमाहेयः शिथिलीकृतमैथिलः ।

आनन्दीकृतनन्दाद्यः श्रीकृष्णः शरणं मम ॥ ६ ॥

वराकीकृतराकेशो विपक्षीकृतराक्षसः ।

सन्तोषीकृतसद्भक्तः श्रीकृष्णः शरणं मम ॥ ७ ॥

जरीकृतजरासन्धः कमलीकृतकार्मुकः ।

प्रभ्रष्टीकृतभीष्मादिः श्रीकृष्णः शरणं मम ॥ ८ ॥

श्रीकृष्णः शरणं ममाष्टकमिदं प्रोत्थाय यः सम्पठेत्

स श्रीगोकुलनायकस्य पदवीं सम्याति भूमीतले ।

पश्यत्येव निरन्तरं तरणिजातीरस्थकेलिं प्रभोः

सम्प्राप्नोति तदीयतां प्रतिदिनं गोपीशतैरावृताम् ॥ ९ ॥

इति श्रीरघुनाथप्रभु कृतं श्री कृष्ण शरणाष्टकम् ॥