अष्टकम्

श्री गिरिधार्यष्टकम्

श्री गिरिधार्यष्टकम्

परिचय

श्री गिरिधार्यष्टकम् को अष्टकम् के रूप में प्रस्तुत किया गया है, जो श्लोकों की एक केंद्रित श्रृंखला से जुड़ी एक भक्ति-स्तुति है। यह मार्गदर्शिका संदर्भ देती है और पाठ या व्याख्या का कोई एक निश्चित ढंग नहीं बताती।

पाठ

त्र्यैलोक्यलक्ष्मीमदभृत्सुरेश्वरो

यदा घनैरन्तकरैर्ववर्षह ।

तदाऽकरोद्यः स्वबलेन रक्षणं

तं गोपबालं गिरिधारिणं भजे ॥ १ ॥

यः पाययन्तीमधिरुह्य पूतनां

स्तन्यं पपौ प्राणपरायणः शिशुः ।

जघान वातायितदैत्यपुङ्गवं

तं गोपबालं गिरिधारिणं भजे ॥ २ ॥

नन्दव्रजं यः स्वरुचेन्दिरालयं

चक्रे दिगीशान् दिवि मोहवृद्धये ।

तं गोपबालं गिरिधारिणं भजे ॥ ३ ॥

यं कामदोग्ध्री गगनाहृतैर्जलैः

स्वज्ञातिराज्ये मुदिताभ्यषिञ्चत ।

गोविन्दनामोत्सवकृद्व्रजौकसां

तं गोपबालं गिरिधारिणं भजे ॥ ४ ॥

यस्याननाब्जं व्रजसुन्दरीजना

दिनक्षये लोचनषट्पदैर्मुदा ।

पिबन्त्यधीरा विरहातुरा भृशं

तं गोपबालं गिरिधारिणं भजे ॥ ५ ॥

बृन्दावने निर्जरबृन्दवन्दिते

गाश्चारयन्यः कलवेणुनिःस्वनः ।

गोपाङ्गनाचित्तविमोहमन्मथ-

-स्तं गोपबालं गिरिधारिणं भजे ॥ ६ ॥

यः स्वात्मलीलारसदित्सया सता-

-माविश्यकाराऽग्निकुमारविग्रहम् ।

श्रीवल्लभाध्वानुसृतैकपालक-

-स्तं गोपबालं गिरिधारिणं भजे ॥ ७ ॥

गोपेन्द्रसूनोर्गिरिधारिणोऽष्टकं

पठेदिदं यस्तदनन्यमानसः ।

स मुच्यते दुःखमहार्णवाद्भृशं

प्राप्नोति दास्यं गिरिधारिणो ध्रुवम् ॥ ८ ॥

प्रणम्य सम्प्रार्थयते तवाग्रत-

-स्त्वदङ्घ्रिरेणुं रघुनाथनामकः ।

श्रीविठ्ठलानुग्रहलब्धसन्मति-

-स्तत्पूरयैतस्य मनोरथार्णवम् ॥ ९ ॥

इति श्रीरघुनाथप्रभु कृत श्री गिरिधार्यष्टकम् ॥