भक्ति पाठ

श्री घटिकाचल योगनृसिंह मङ्गलम्

श्री घटिकाचल योगनृसिंह मङ्गलम्

परिचय

यह मौलिक मार्गदर्शिका श्री घटिकाचल योगनृसिंह मङ्गलम् और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

घटिकाचलशृङ्गाग्र विमानोदरवासिने ।

निखिलामरसेव्याय नरसिंहाय मङ्गलम् ॥ १ ॥

उदीचीरङ्गनिवसत् सुमनस्तोमसूक्तिभिः ।

नित्याभिवृद्धयशसे नरसिंहाय मङ्गलम् ॥ २ ॥

सुधावल्लीपरिष्वङ्गसुरभीकृतवक्षसे ।

घटिकाद्रिनिवासाय श्रीनृसिंहाय मङ्गलम् ॥ ३ ॥

सर्वारिष्टविनाशाय सर्वेष्टफलदायिने ।

घटिकाद्रिनिवासाय श्रीनृसिंहाय मङ्गलम् ॥ ४ ॥

महागुरुमनःपद्ममध्यनित्यनिवासिने ।

भक्तोचिताय भवतात् मङ्गलं शाश्वतीः समाः ॥ ५ ॥

श्रीमत्यै विष्णुचित्तार्यमनोनन्दन हेतवे ।

नन्दनन्दनसुन्दर्यै गोदायै नित्यमङ्गलम् ॥ ६ ॥

श्रीमन्महाभूतपुरे श्रीमत्केशवयज्वनः ।

कान्तिमत्यां प्रसूताय यतिराजाय मङ्गलम् ॥ ७ ॥

पादुके यतिराजस्य कथयन्ति यदाख्यया ।

तस्य दाशरथेः पादौ शिरसा धारयाम्यहम् ॥ ८ ॥

श्रीमते रम्यजामातृमुनीन्द्राय महात्मने ।

श्रीरङ्गवासिने भूयात् नित्यश्रीः नित्यमङ्गलम् ॥ ९ ॥

सौम्यजामातृयोगीन्द्र चरणाम्बुजषट्पदम् ।

देवराजगुरुं वन्दे दिव्यज्ञानप्रदं शुभम् ॥ १० ॥

वाधूलश्रीनिवासार्यतनयं विनयाधिकम् ।

प्रज्ञानिधिं प्रपद्येऽहं श्रीनिवासमहागुरुम् ॥ ११ ॥

चण्डमारुतवेदान्तविजयादिस्वसूक्तिभिः ।

वेदान्तरक्षकायास्तु महाचार्याय मङ्गलम् ॥ १२ ॥

इति श्री घटिकाचल योगनृसिंह मङ्गल स्तोत्रम् ।