स्तोत्र

श्री दत्तात्रेय स्तोत्रम् (कार्तवीर्यार्जुन कृतम्)

परिचय

श्री दत्तात्रेय स्तोत्रम् (कार्तवीर्यार्जुन कृतम्) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

मोहतमो मम नष्टं त्वद्वचनान्नहि कष्टम् ।

शिष्टमिदं मयि हृष्टं हृत्परमात्मनि तुष्टम् ॥ १ ॥

ज्ञानरविर्हृदि भातः स्वावरणाख्यतमोऽतः ।

क्वापि गतं भवदीक्षासौ खलु का मम दीक्षा ॥ २ ॥

क्लेशरुजां हरणेन त्वच्चरणस्मरणेन ।

अस्मि कृतार्थ इहेश श्रीश परेश महेश ॥ ३ ॥

प्रेमदुघं तव पादं को न भजेदविवादम् ।

दैववशाद्धृदि मेयं दर्शितवानसि मे यम् ॥ ४ ॥

चित्रमिदं सदमेयः सोऽप्यभवद्धृदि मेयः ।

देवसुरर्षिसुगेयः सोऽद्य कथं मम हेयः ॥ ५ ॥

आश्रिततापहरं तं पातकदैन्यहरन्तम् ।

नौमि शिवं भगवन्तं पादमहं तव सन्तम् ॥ ६ ॥

यत्र जगद्भ्रम एषः कल्पित एव सशेषः ।

भ्रान्तिलयेऽद्वय एवावेदि मयाद्य स एव ॥ ७ ॥

शान्तिपदं तव पादं नौमि सुसेव्यमखेदम् ।

स्वार्थदमाद्यमनन्तं हापितकामधनं तम् ॥ ८ ॥

देवो भावो राद्धः सिद्धः सत्यो नित्यो बुद्धः शुद्धः ।

सर्वोऽपूर्वो हर्ता कर्ताऽभिन्नस्त्वं नः पाता माता ॥ ९ ॥

इति श्रीमद्दत्तपुराणे चतुर्थाष्टके तृतीयोऽध्याये कार्तवीर्यार्जुन कृत श्री दत्तात्रेय स्तोत्रम् ।