स्तोत्र

श्री बुध स्तोत्रम् २

श्री बुध स्तोत्रम् २

परिचय

श्री बुध स्तोत्रम् २ को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

ध्यानम् –

भुजैश्चतुर्भिर्वरदाभयासि-

गदा वहन्तं सुमुखं प्रशान्तम् ।

पीतप्रभं चन्द्रसुतं सुरेढ्यं

सिंहेनिषण्णं बुधमाश्रयामि ॥

अथ स्तोत्रम् –

पीताम्बरः पीतवपुः किरीटी च चतुर्भुजः ।

पीतध्वजपताकी च रोहिणीगर्भसम्भवः ॥ १ ॥

ईशान्यादिषुदेशेषु बाणासन उदङ्मुखः ।

नाथो मगधदेशस्य मन्त्रो मन्त्रार्थतत्त्ववित् ॥ २ ॥

सुखासनः कर्णिकारो जैत्रश्चात्रेयगोत्रवान् ।

भरद्वाज ऋषिप्रख्यैर्ज्योतिर्मण्डलमण्डितः ॥ ३ ॥

अधिप्रत्यधिदेवाभ्यामन्यतो ग्रहमण्डले ।

प्रविष्टः सूक्ष्मरूपेण समस्तवरदः सुखी ॥ ४ ॥

सदा प्रदक्षिणं मेरोः कुर्वाणः कामरूपवान् ।

असिदण्डौ च बिभ्राणः सम्प्राप्तसुफलप्रदः ॥ ५ ॥

कन्याया मिथुनस्यापि राशेरधिपतिर्द्वयोः ।

मुद्गधान्यप्रदो नित्यं मर्त्यामर्त्यसुरार्चितः ॥ ६ ॥

यस्तु सौम्येन मनसा स्वमात्मानं प्रपूजयेत् ।

तस्य वश्यो भवेन्नित्यं सौम्यनामधरो बुधः ॥ ७ ॥

बुधस्तोत्रमिदं गुह्यं वसिष्ठेनोदितं पुरा ।

दिलीपाय च भक्ताय याचमानाय भूभृते ॥ ८ ॥

यः पठेदेकवारं वा सर्वाभीष्टमवाप्नुयात् ।

स्तोत्रराजमिदं पुण्यं गुह्याद्गुह्यतमं महत् ॥ ९ ॥

एकवारं द्विवारं वा त्रिवारं यः पठेन्नरः ।

तस्यापस्मारकुष्ठादिव्याधिबाधा न विद्यते ॥ १० ॥

सर्वग्रहकृतापीडा पठितेऽस्मिन्न विद्यते ।

कृत्रिमौषधदुर्मन्त्रं कृत्रिमादिनिशाचरैः ॥ ११ ॥

यद्यद्भयं भवेत्तत्र पठितेऽस्मिन्न विद्यते ।

प्रतिमा या सुवर्णेन लिखिता तु भुजाष्टका ॥ १२ ॥

मुद्गधान्योपरिन्यस्त पीतवस्त्रान्विते घटे ।

विन्यस्य विधिना सम्यक् मासमेकं निरन्तरम् ॥ १३ ॥

ये पूजयन्ति ते यान्ति दीर्घमायुः प्रजाधनम् ।

आरोग्यं भस्मगुल्मादि सर्वव्याधिविनाशनम् ।

यं यं कामयते सम्यक् तत्तदाप्नोत्यसंशयः ॥ १४ ॥

इति श्रीस्कान्दपुराणे श्री बुध स्तोत्रम् ।