भक्ति पाठ
श्री ब्रह्म स्तुतिः (वायुपुराणे व्यास कृतम्)
परिचय
यह मौलिक मार्गदर्शिका श्री ब्रह्म स्तुतिः (वायुपुराणे व्यास कृतम्) और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।
पाठ
प्रपद्ये देवमीशानं शाश्वतं ध्रुवमव्ययम् ।
महादेवं महात्मानं सर्वस्य जगतः पतिम् ॥ १ ॥
ब्रह्माणं लोककर्तारं सर्वज्ञमपराजितम् ।
प्रभुं भूतभविष्यस्य साम्प्रतस्य च सत्पतिम् ॥ २ ॥
ज्ञानमप्रतिमं यस्य वैराग्यं च जगत्पतेः ।
ऐश्वर्यं चैव धर्मश्च सहसिद्धिचतुष्टयः ॥ ३ ॥
य इमान् पश्यते भावान् नित्यं सदसदात्मकान् ।
आविशन्ति पुनस्तं वै क्रियाभावार्थमीश्वरम् ॥ ४ ॥
लोककृल्लोकतत्त्वज्ञो योगमास्थाय तत्त्ववित् ।
असृजत् सर्वभूतानि स्थावराणि चराणि च ॥ ५ ॥
तमजं विश्वकर्माणं चित्पतिं लोकसाक्षिणम् ।
पुराणाख्यानजिज्ञासुर्व्रजामि शरणं प्रभुम् ॥ ६ ॥
इति श्री वायुपुराणे प्रथमोऽध्याये व्यास कृत श्री ब्रह्म स्तुतिः ॥
"देवनागरि" ,