स्तोत्र

श्री ब्रह्म पञ्चरत्न स्तोत्रम् (महानिर्वाणतन्त्रे)

श्री ब्रह्म पञ्चरत्न स्तोत्रम् (महानिर्वाणतन्त्रे)

परिचय

श्री ब्रह्म पञ्चरत्न स्तोत्रम् (महानिर्वाणतन्त्रे) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

ओं नमस्ते सते सर्वलोकाश्रयाय

नमस्ते चिते विश्वरूपात्मकाय ।

नमोऽद्वैततत्त्वाय मुक्तिप्रदाय

नमो ब्रह्मणे व्यापिने निर्गुणाय ॥ १ ॥

त्वमेकं शरण्यं त्वमेकं वरेण्यं

त्वमेकं जगत्कारणं विश्वरूपम् ।

त्वमेकं जगत् कर्तृपातृप्रहर्तृ

त्वमेकं परं निश्चलं निर्विकल्पम् ॥ २ ॥

भयानां भयं भीषणं भीषणानां

गतिः प्राणिनां पावनं पावनानाम् ।

महोच्चैःपदानां नियन्तृत्वमेकं

परेषां परं रक्षकं रक्षकानाम् ॥ ३ ॥

परेश प्रभो सर्वरूपाप्रकाशि-

-न्ननिर्देश्य सर्वेन्द्रियागम्य सत्य ।

अचिन्त्याक्षर व्यापकाव्यक्ततत्त्व

जगद्भासकाधीश पायादपायात् ॥ ४ ॥

तदेकं स्मरामस्तदेकं जपाम-

-स्तदेकं जगत्साक्षिरूपं नमामः ।

सदेकं निधानं निरालम्बमीशं

भवाम्भोधिपोतं शरण्यं व्रजामः ॥ ५ ॥

पञ्चरत्नमिदं स्तोत्रं ब्रह्मणः परमात्मनः ।

यं पठेत् प्रयतो भूत्वा ब्रह्मसायुज्यमाप्नुयात् ॥ ६ ॥

प्रदोषेऽदः पठेन्नित्यं सोमवारे विशेषतः ।

श्रावयेद्बोधयेत्प्राज्ञो ब्रह्मनिष्ठान् स्वबान्धवान् ॥ ७ ॥

इति महानिर्वाणतन्त्रे तृतीयोल्लासे श्री ब्रह्म पञ्चरत्न स्तोत्रम् ॥

"देवनागरि" ,