अष्टकम्

श्री बद्रीनाथाष्टकम्

परिचय

श्री बद्रीनाथाष्टकम् को अष्टकम् के रूप में प्रस्तुत किया गया है, जो श्लोकों की एक केंद्रित श्रृंखला से जुड़ी एक भक्ति-स्तुति है। यह मार्गदर्शिका संदर्भ देती है और पाठ या व्याख्या का कोई एक निश्चित ढंग नहीं बताती।

पाठ

भूवैकुण्ठकृतावासं देवदेवं जगत्पतिम् ।

चतुर्वर्गप्रदातारं श्रीबद्रीशं नमाम्यहम् ॥ १ ॥

तापत्रयहरं साक्षाच्छान्तिपुष्टिबलप्रदम् ।

परमानन्ददातारं श्रीबद्रीशं नमाम्यहम् ॥ २ ॥

सद्यः पापक्षयकरं सद्यः कैवल्यदायकम् ।

लोकत्रयविधातारं श्रीबद्रीशं नमाम्यहम् ॥ ३ ॥

भक्तवाञ्छाकल्पतरुं करुणारसविग्रहम् ।

भवाब्धिपारकर्तारं श्रीबद्रीशं नमाम्यहम् ॥ ४ ॥

सर्वदेवनुतं शश्वत् सर्वतीर्थास्पदं विभुम् ।

लीलयोपात्तवपुषं श्रीबद्रीशं नमाम्यहम् ॥ ५ ॥

अनादिनिधनं कालकालं भीमयमच्युतम् ।

सर्वाश्चर्यमयं देवं श्रीबद्रीशं नमाम्यहम् ॥ ६ ॥

गन्धमादनकूटस्थं नरनारायणात्मकम् ।

बदरीखण्डमध्यस्थं श्रीबद्रीशं नमाम्यहम् ॥ ७ ॥

शत्रूदासीनमित्राणां सर्वज्ञं समदर्शिनम् ।

ब्रह्मानन्दचिदाभासं श्रीबद्रीशं नमाम्यहम् ॥ ८ ॥

श्रीबद्रीशाष्टकमिदं यः पठेत् प्रयतः शुचिः ।

सर्वपापविनिर्मुक्तः स शान्तिं लभते पराम् ॥ ९ ॥

इति श्री बद्रीनाथाष्टकम् ॥

"देवनागरि" ,