स्तोत्र

सङ्कटनाशन गणेश स्तोत्रम् (देव कृतम्)

सङ्कटनाशन गणेश स्तोत्रम् (देव कृतम्)

परिचय

सङ्कटनाशन गणेश स्तोत्रम् (देव कृतम्) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

नमो नमस्ते परमार्थरूप

नमो नमस्तेऽखिलकारणाय ।

नमो नमस्तेऽखिलकारकाय

सर्वेन्द्रियाणामधिवासिनेऽपि ॥ १ ॥

नमो नमो भूतमयाय तेऽस्तु

नमो नमो भूतकृते सुरेश ।

नमो नमः सर्वधियां प्रबोध

नमो नमो विश्वलयोद्भवाय ॥ २ ॥

नमो नमो विश्वभृतेऽखिलेश

नमो नमः कारण कारणाय ।

नमो नमो वेदविदामदृश्य

नमो नमः सर्ववरप्रदाय ॥ ३ ॥

नमो नमो वागविचारभूत

नमो नमो विघ्ननिवारणाय ।

नमो नमोऽभक्त मनोरथघ्ने

नमो नमो भक्त मनोरथज्ञ ॥ ४ ॥

नमो नमो भक्तमनोरथेश

नमो नमो विश्वविधानदक्ष ।

नमो नमो दैत्यविनाशहेतो

नमो नमः सङ्कटनाशकाय ॥ ५ ॥

नमो नमः कारुणिकोत्तमाय

नमो नमो ज्ञानमयाय तेऽस्तु ।

नमो नमोऽज्ञानविनाशनाय

नमो नमो भक्त विभूतिदाय ॥ ६ ॥

नमो नमोऽभक्त विभूतिहन्त्रे

नमो नमो भक्त विमोचनाय ।

नमो नमोऽभक्त विबन्धनाय

नमो नमस्ते प्रविभक्तमूर्ते ॥ ७ ॥

नमो नमस्तत्त्वविबोधकाय

नमो नमस्तत्त्वविदुत्तमाय ।

नमो नमस्तेऽखिल कर्मसाक्षिणे

नमो नमस्ते गुणनायकाय ॥ ८ ॥

इति श्रीगणेशपुराणे उपासनाखण्डे चत्वारिंशोऽध्याये देवकृत सङ्कष्टनाशन गणेश सोत्रं सम्पूर्णम् ॥

"देवनागरि" ,