भक्ति पाठ

मरकत श्री लक्ष्मीगणपति मङ्गलाशासनम्

मरकत श्री लक्ष्मीगणपति मङ्गलाशासनम्

परिचय

यह मौलिक मार्गदर्शिका मरकत श्री लक्ष्मीगणपति मङ्गलाशासनम् और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

श्रीविलासप्रभारामचिदानन्दविलासिने

लक्ष्मीमरकतोल्लासि गणनाथाय मङ्गलम् ॥ १ ॥

स्वर्गलोकवसद्देवराजपूजितरूपिणे

लक्ष्मीमरकतोल्लासि गणनाथाय मङ्गलम् ॥ २ ॥

मर्त्यलोकप्राणिकोटिकृतपूजाविमोदिने

लक्ष्मीमरकतोल्लासि गणनाथाय मङ्गलम् ॥ ३ ॥

पाताललोकसंवासिदैत्यसंस्तवनन्दिने

लक्ष्मीमरकतोल्लासि गणनाथाय मङ्गलम् ॥ ४ ॥

समस्तगणसाम्राज्यपालनानन्दमूर्तये

लक्ष्मीमरकतोल्लासि गणनाथाय मङ्गलम् ॥ ५ ॥

वेदोक्तधर्मसञ्चालिजनतानन्ददायिने

लक्ष्मीमरकतोल्लासि गणनाथाय मङ्गलम् ॥ ६ ॥

धार्मिकाञ्चितसर्वार्थ सम्पादकहितैषिणे

लक्ष्मीमरकतोल्लासि गणनाथाय मङ्गलम् ॥ ७ ॥

औचित्यकामनापूर्ण समाराधकरक्षिणे

लक्ष्मीमरकतोल्लासि गणनाथाय मङ्गलम् ॥ ८ ॥

मोक्षसाधनमार्गस्थजनताफलदायिने

लक्ष्मीमरकतोल्लासि गणनाथाय मङ्गलम् ॥ ९ ॥

कर्ममार्गसुकर्माढ्यसुजनोत्सवकारिणे

लक्ष्मीमरकतोल्लासि गणनाथाय मङ्गलम् ॥ १० ॥

उपासनोद्यमासक्त भक्तमानसहंसिने

लक्ष्मीमरकतोल्लासि गणनाथाय मङ्गलम् ॥ ११ ॥

ज्ञानमार्गप्रभाराशि सन्धातृशुभकारिणे

लक्ष्मीमरकतोल्लासि गणनाथाय मङ्गलम् ॥ १२ ॥

सत्यनारायणानन्दसन्धानकरुणात्मने

लक्ष्मीमरकतोल्लासि गणनाथाय मङ्गलम् ॥ १३ ॥

नटेश्वरकविप्रोक्तस्तुतिमानसचारिणे

लक्ष्मीमरकतोल्लासि गणनाथाय मङ्गलम् ॥ १४ ॥

इति श्री मरकत लक्ष्मीगणपति मङ्गलाशासनं सम्पूर्णम् ॥