भक्ति पाठ

एकोनत्रिंश दशकम् (२९) – देवीपीठोत्पत्तिः

एकोनत्रिंश दशकम् (२९) – देवीपीठोत्पत्तिः

परिचय

यह मौलिक मार्गदर्शिका एकोनत्रिंश दशकम् (२९) – देवीपीठोत्पत्तिः और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

अथैकदाऽदृश्यत दक्षगेहे

शाक्तं महस्तच्च बभूव बाला ।

विज्ञाय ते शक्तिमिमां जगत्सु

सर्वेऽपि हृष्टा अभवत् क्षणश्च ॥ २९-१ ॥

दक्षः स्वगेहापतितां चकार

नाम्ना सतीं पोषयति स्म तां सः ।

स्मरन् वचस्ते गिरिशाय काले

प्रदाय तां द्वौ समतोषयच्च ॥ २९-२ ॥

एवं शिवःशक्तियुतः पुनश्च

बभूव गच्छत्सु दिनेषु दक्षः ।

दैवाच्छिवद्वेषमवाप देहं

तत्पोषितं स्वं विजहौ सती च ॥ २९-३ ॥

दुःखेन कोपेन च हा सतीति

मुहुर्वदन्नुद्धृतदारदेहः ।

बभ्राम सर्वत्र हरः सुरेषु

पश्यत्सु शार्ङ्गी शिवमन्वचारीत् ॥ २९-४ ॥

विष्णुः शरौघैर्बहुशश्चकर्त ।

एकैकशः पेतुरमुष्य खण्डा

भूमौ शिवे साष्टशतं स्थलेषु ॥ २९-५ ॥

यतो यतः पेतुरिमे स्थलानि

सर्वाणि तानि प्रथितानि लोके ।

इमानि पूतानि भवानि देवी-

-पीठानि सर्वाघहराणि भान्ति ॥ २९-६ ॥

त्वमेकमेवाद्वयमत्र भिन्न-

-नामानि धृत्वा खलु मन्त्रतन्त्रैः ।

सम्पूज्यमाना शरणागतानां

भुक्तिं च मुक्तिं च ददासि मातः ॥ २९-७ ॥

निर्विण्णचित्तः स सतीवियोगा-

-च्छिवः स्मरंस्त्वां कुहचिन्निषण्णः ।

समाधिमग्नोऽभवदेष लोकः

शक्तिं विना हा विरसोऽलसश्च ॥ २९-८ ॥

चिन्ताकुला मोहधियो विशीर्ण-

-तोषा महारोगनिपीडिताश्च ।

सौभाग्यहीना विहताभिलाषाः

सर्वे सदोद्विग्नहृदो बभूवुः ॥ २९-९ ॥

शिवोऽपि शक्त्या सहितः करोति

सर्वं वियुक्तश्च तया जडः स्यात् ।

मा माऽस्तु मे शक्तिवियोग एष

दासोऽस्मि भूयो वरदे नमस्ते ॥ २९-१० ॥

त्रिंश दशकम् (३०) – श्रीपार्वत्यवतारम् >>