भक्ति पाठ

त्रयोविंश दशकम् (२३) – महालक्ष्म्यवतारम्

त्रयोविंश दशकम् (२३) – महालक्ष्म्यवतारम्

परिचय

यह मौलिक मार्गदर्शिका त्रयोविंश दशकम् (२३) – महालक्ष्म्यवतारम् और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

रम्भस्य पुत्रो महिषासुरः प्राक्

तीव्रैस्तपोभिर्द्रुहिणात्प्रसन्नात् ।

अवध्यतां पुम्भिरवाप्य धृष्टो

न मे मृतिः स्यादिति च व्यचिन्तीत् ॥ २३-१ ॥

स चिक्षुराद्यैरसुरैः समेतः

शक्रादिदेवान्युधि पद्मजं च ।

रुद्रं च विष्णुं च विजित्य नाके

वसन् बलाद्यज्ञहविर्जहार ॥ २३-२ ॥

चिरं भृशं दैत्यनिपीडितास्ते

देवाः समं पद्मजशङ्कराभ्याम् ।

हरिं समेत्यासुरदौष्ट्यमूचू-

-स्त्वां संस्मरन् देवि मुरारिराह ॥ २३-३ ॥

सुरा वयं तेन रणेऽतिघोरे

पराजिता दैत्यवरो बलिष्ठः ।

मत्तो भृशं पुम्भिरवध्यभावा-

-न्न नः स्त्रियो युद्धविचक्षणाश्च ॥ २३-४ ॥

तेजोभिरेका भवतीह नश्चे-

-त्सैवासुरान्भीमबलान्निहन्ता ।

यथा भवत्येतदरं तथैव

सम्प्रार्थयामोऽवतु नो महेशी ॥ २३-५ ॥

एवं हरौ वक्तरि पद्मजाता-

-त्तेजोऽभवद्राजसरक्तवर्णम् ।

नीलप्रभं सात्त्विकमच्युताच्च ॥ २३-६ ॥

तेजांस्यभूवन्विविधानि शक्र-

-मुखामरेभ्यो मिषतोऽखिलस्य ।

सम्योगतस्तान्यचिरेण मातः

स्त्रीरूपमष्टादशहस्तमापुः ॥ २३-७ ॥

तत्तु त्वमासीः शुभदे महाल-

-क्ष्म्याख्या जगन्मोहनमोहनाङ्गी ।

त्वं ह्येव भक्ताभयदानदक्षा

भक्तद्रुहां भीतिकरी च देवि ॥ २३-८ ॥

सद्यस्त्वमुच्चैश्चकृषेऽट्‍टहासं

सुराः प्रहृष्टा वसुधा चकम्पे ।

चुक्षोभ सिन्धुर्गिरयो विचेलु-

-र्दैत्यश्च मत्तो महिषश्चुकोप ॥ २३-९ ॥

त्वां सुन्दरीं चारमुखात्स दैत्यो

विज्ञाय कामी विससर्ज दूतम् ।

स चेश्वरीं दैत्यगुणान् प्रवक्ता

त्वां नेतुकामो विफलोद्यमोऽभूत् ॥ २३-१० ॥

प्रलोभनैस्त्वामथ देवशक्तिं

ज्ञात्वाऽपि वाक्यैरनुनेतुकामः ।

एकैकशः प्रेषयतिस्म दूतान्

त्वां कामिनीं कर्तुमिमे न शेकुः ॥ २३-११ ॥

अवेहि मां पुच्छविषाणहीनं

भारं वहन्तं महिषं द्विपादम् ।

हिंसन्ति मां स्वर्थिजनास्त्वमेव

रक्षाकरी मे शुभदे नमस्ते ॥ २३-१२ ॥

चतुर्विंश दशकम् (२४) – महिषासुरवधम्-देवीस्तुतिः >>