भक्ति पाठ

दशावतार स्तोत्रम् – १

दशावतार स्तोत्रम् – १

परिचय

यह मौलिक मार्गदर्शिका दशावतार स्तोत्रम् – १ और उसके नाम में आए ज्योतिषीय भाषा का परिचय देती है। यह शैक्षिक समीक्षा है, कोई व्यक्तिगत पाठ या भविष्यवाणी नहीं।

पाठ

नामस्मरणादन्योपायं न हि पश्यामो भवतरणे ।

राम हरे कृष्ण हरे तव नाम वदामि सदा नृहरे ॥

वेदोद्धारविचारमते सोमकदानवसंहरणे ।

मीनाकारशरीर नमो हरिभक्तं ते परिपालय माम् ॥ १ ॥

मन्थानाचलधारणहेतो देवासुरपरिपालन भो ।

कूर्माकारशरीर नमो हरिभक्तं ते परिपालय माम् ॥ २ ॥

भूचोरकहर पुण्यमते क्रीडोद्धृतभूदेश हरे ।

क्रोडाकारशरीर नमो हरिभक्तं ते परिपालय माम् ॥ ३ ॥

हिरण्यकशिपुच्छेदनहेतो प्रह्लादाऽभयधारणहेतो ।

नरसिंहाच्युतरूप नमो हरिभक्तं ते परिपालय माम् ॥ ४ ॥

बलिमदभञ्जन विततमते पादोद्वयकृतलोककृते ।

वटुपटुवेषमनोज्ञ नमो हरिभक्तं ते परिपालय माम् ॥ ५ ॥

क्षितिपतिवंशसम्भवमूर्ते क्षितिपतिरक्षाक्षतमूर्ते ।

भृगुपतिरामवरेण्य नमो हरिभक्तं ते परिपालय माम् ॥ ६ ॥

सीतावल्लभ दाशरथे दशरथनन्दन लोकगुरो ।

रावणमर्दन राम नमो हरिभक्तं ते परिपालय माम् ॥ ७ ॥

कृष्णानन्त कृपाजलधे कंसारे कमलेश हरे ।

कालियमर्दन कृष्ण नमो हरिभक्तं ते परिपालय माम् ॥ ८ ॥

त्रिपुरसतीमानविहरणा त्रिपुरविजयमार्गणरूपा ।

शुद्धज्ञानविबुद्ध नमो हरिभक्तं ते परिपालय माम् ॥ ९ ॥

शिष्टजनावन दुष्टहर खगतुरगोत्तमवाहन ते ।

कल्किरूपपरिपाल नमो हरिभक्तं ते परिपालय माम् ॥ १० ॥

नामस्मरणादन्योपायं न हि पश्यामो भवतरणे ।

राम हरे कृष्ण हरे तव नाम वदामि सदा नृहरे ॥

इति दशावतार स्तोत्रम् ।