स्तोत्र

पितृ स्तोत्रम् – ३ (ब्रह्म कृतम्)

पितृ स्तोत्रम् – ३ (ब्रह्म कृतम्)

परिचय

पितृ स्तोत्रम् – ३ (ब्रह्म कृतम्) को स्तोत्र के रूप में प्रस्तुत किया गया है, जो स्तुति का एक भक्ति-पाठ है। यह मौलिक मार्गदर्शिका इसके विषय को समझने और परंपरा का सम्मान करते हुए आगे बढ़ने का स्थान देती है।

पाठ

ब्रह्मोवाच ।

नमः पित्रे जन्मदात्रे सर्वदेवमयाय च ।

सुखदाय प्रसन्नाय सुप्रीताय महात्मने ॥ १ ॥

सर्वयज्ञस्वरूपाय स्वर्गाय परमेष्ठिने ।

सर्वतीर्थावलोकाय करुणासागराय च ॥ २ ॥

नमः सदाऽऽशुतोषाय शिवरूपाय ते नमः ।

सदाऽपराधक्षमिणे सुखाय सुखदाय च ॥ ३ ॥

दुर्लभं मानुषमिदं येन लब्धं मया वपुः ।

सम्भावनीयं धर्मार्थे तस्मै पित्रे नमो नमः ॥ ४ ॥

तीर्थस्नानतपोहोमजपादीन् यस्य दर्शनम् ।

महागुरोश्च गुरवे तस्मै पित्रे नमो नमः ॥ ५ ॥

यस्य प्रणाम स्तवनात् कोटिशः पितृतर्पणम् ।

अश्वमेधशतैस्तुल्यं तस्मै पित्रे नमो नमः ॥ ६ ॥

इदं स्तोत्रं पितृः पुण्यं यः पठेत् प्रयतो नरः ।

प्रत्यहं प्रातरुत्थाय पितृश्राद्धदिनेऽपि च ॥ ७ ॥

स्वजन्मदिवसे साक्षात् पितुरग्रे स्थितोऽपि वा ।

न तस्य दुर्लभं किञ्चित् सर्वज्ञत्वादि वाञ्छितम् ॥ ८ ॥

नानापकर्म कृत्वाऽपि यः स्तौति पितरं सुतः ।

स धृवं प्रविधायैव प्रायश्चित्तं सुखी भवेत् ।

पितृप्रीतिकरैर्नित्यं सर्वकर्माण्यथार्हति ॥ ९ ॥

इति बृहद्धर्मपुराणान्तर्गत ब्रह्मकृत पितृ स्तोत्रम् ।