Stotra
Sri Vasara Saraswati Stotram
About
Sri Vasara Saraswati Stotram is introduced as a stotra, a devotional hymn of praise. This original guide offers a place to explore its subject and approach the tradition with care.
Hymn text
शरच्चन्द्रवक्त्रां लसत्पद्महस्तां
सरोजाभनेत्रां स्फुरद्रत्नमौलिम् ।
घनाकारवेणीं निराकारवृत्तिं
भजे शारदां वासरापीठवासाम् ॥ १ ॥
धराभारपोषां सुरानीकवन्द्यां
मृणालीलसद्बाहुकेयूरयुक्ताम् ।
त्रिलोकैकसाक्षीमुदारस्तनाढ्यां
भजे शारदां वासरापीठवासाम् ॥ २ ॥
दुरासारसंसारतीर्थाङ्घ्रिपोतां
क्वणत्स्वर्णमाणिक्यहाराभिरामाम् ।
शरच्चन्द्रिकाधौतवासोलसन्तीं
भजे शारदां वासरापीठवासाम् ॥ ३ ॥
विरिञ्चीन्द्रविष्ण्वादियोगीन्द्र पूज्यां
प्रसन्नां विपन्नार्तिनाशां शरण्याम् ।
त्रिलोकाधिनाथाधिनाथां त्रिशून्यां
भजे शारदां वासरापीठवासाम् ॥ ४ ॥
अनन्तामगम्यामनाद्यामभाव्या-
-मभेद्यामदाह्यामलेप्यामरूपाम् ।
अशोष्यामसङ्गामदेहामवाच्यां
भजे शारदां वासरापीठवासाम् ॥ ५ ॥
मनोवागतीतामनाम्नीमखण्डा-
-मभिन्नात्मिकामद्वयां स्वप्रकाशाम् ।
चिदानन्दकन्दां परञ्ज्योतिरूपां
भजे शारदां वासरापीठवासाम् ॥ ६ ॥
सदानन्दरूपां शुभयोगरूपां
अशेषात्मिकां निर्गुणां निर्विकाराम् ।
महावाक्यवेद्यां विचारप्रसङ्गां
भजे शारदां वासरापीठवासाम् ॥ ७ ॥
परात्मस्वरूपामविद्यानिहन्त्रीं
सदा नित्ययुक्तां सदा शुद्धबोधाम् ।
त्रिकालैकरूपामशेषैकहृत्स्थां
भजे शारदां वासरापीठवासाम् ॥ ८ ॥
इति श्रीवाल्मीकि कृत श्री वासर सरस्वती स्तोत्रम् ॥
"देवनागरि" ,