Devotional reading

Yati Panchakam (Kaupeena Panchakam)

About

This original guide introduces Yati Panchakam (Kaupeena Panchakam) and the astrological language named in its title. It is an educational overview, not a personal reading or prediction.

Hymn text

वेदान्तवाक्येषु सदा रमन्तः

भिक्षान्नमात्रेण च तुष्टिमन्तः ।

विशोकमन्तःकरणे रमन्तः

कौपीनवन्तः खलु भाग्यवन्तः ॥ १ ॥

मूलं तरोः केवलमाश्रयन्तः

पाणिद्वयं भोक्तुममन्त्रयन्तः ।

श्रियं च कन्थामिव कुत्सयन्तः

कौपीनवन्तः खलु भाग्यवन्तः ॥ २ ॥

देहादिभावं परिमार्जयन्तः

आत्मानमात्मन्यवलोकयन्तः ।

नान्तं न मध्यं न बहिः स्मरन्तः

कौपीनवन्तः खलु भाग्यवन्तः ॥ ३ ॥

स्वानन्दभावे परितुष्टिमन्तः

संशान्तसर्वेन्द्रियदृष्टिमन्तः ।

अहर्निशं ब्रह्मणि ये रमन्तः

कौपीनवन्तः खलु भाग्यवन्तः ॥ ४ ॥

ब्रह्माक्षरं पावनमुच्चरन्तः

पतिं पशूनां हृदि भावयन्तः ।

भिक्षाशना दिक्षु परिभ्रमन्तः

कौपीनवन्तः खलु भाग्यवन्तः ॥ ५ ॥

कौपीनपञ्चरत्नस्य मननं याति यो नरः ।

विरक्तिं धर्मविज्ञानं लभते नात्र संशयः ॥

इति श्री शङ्करभगवत्पाद विरचितं यतिपञ्चकम् ॥

"देवनागरि" ,