Devotional reading
Sri Vani Prashnamala Stava
About
This original guide introduces Sri Vani Prashnamala Stava and the astrological language named in its title. It is an educational overview, not a personal reading or prediction.
Hymn text
किं नाहं पुत्रस्तव
मातुः सचराचरस्य जगतोऽस्य ।
किं मां दूरीकुरुषे
देवि गिरां ब्रूहि कारणं तत्र ॥ १ ॥
किं चाहुराचार्यपादा-
-स्त्वद्भक्ता मद्गुरूत्तमाः पूर्वम् ।
औरसतनयं मां तव
कस्माद्दूरीकरोषि वद वाणि ॥ २ ॥
आनीय दूरतो मां
मातस्त्वत्पादसविधमतिकृपया ।
परिपाल्य च सुचिरं मां
कस्माद्दूरीकरोषि वद वाणि ॥ ३ ॥
प्रभवेत्पुत्रेषु किं सवित्रीणाम् ।
न हि सा क्वचिदपि दृष्टा
कस्माद्दूरीकरोषि वद वाणि ॥ ४ ॥
कादाचित्कनमस्कृति-
-कर्तॄणामप्यभीष्टदे तरसा ।
नाहं सकृदपि नन्ता
कस्माद्दूरीकरोषि वद वाणि ॥ ५ ॥
गुरुरूपेणाबाल्या-
-त्सोढ्वा मन्तूंश्च मत्कृतान्विविधान् ।
परिरक्ष्य करुणया मां
कस्माद्दूरीकरोषि वद वाणि ॥ ६ ॥
जगतां पालनमनिशं
कुर्वन्त्यास्ते भवेत्कियान्भारः ।
अहमम्ब दीनवर्यः
कस्माद्दूरीकरोषि वद वाणि ॥ ७ ॥
पापान्निवार्य सरणौ
विमलायां मे प्रवर्तने तरसा ।
कर्तव्ये सति कृपया
कस्माद्दूरीकरोषि वद वाणि ॥ ८ ॥
देवानाराधयामि न त्वं ते ।
सर्वात्मिकेति चपलः
कस्माद्दूरीकरोषि वद वाणि ॥ ९ ॥
यात्राशक्तमिमं मां
गलितशरीरम्रुजा समाक्रान्तम् ।
कस्माद्दूरीकरोषि वद वाणि ॥ १० ॥
तव सद्मनि गुरुसदने
विद्यातीर्थालये च बहुसुखतः ।
खेलां कुर्वन्तं मां
कस्माद्दूरीकरोषि वद वाणि ॥ ११ ॥
त्वत्क्षेत्रनिकटराज-
-न्नरसिंहाख्याचलशृङ्गाग्रे ।
स्वैरविहारकृतं मां
कस्माद्दूरीकरोषि वद वाणि ॥ १२ ॥
त्वत्पादपूततुङ्गा-
-तीरे विजने वने चरन्तं माम् ।
अनुघस्रं मोदभरात्
कस्माद्दूरीकरोषि वद वाणि ॥ १३ ॥
तुङ्गातीरे दिनकर-
-निवेशनिकटस्थले विपुले ।
ध्यायन्तं परतत्त्वं
कस्माद्दूरीकरोषि वद वाणि ॥ १४ ॥
तुङ्गातीरे रघुवर-
-मन्दिरपुरतः सुदीर्घपाषाणे ।
कुतुकाद्विहरन्तं मां
कस्माद्दूरीकरोषि वद वाणि ॥ १५ ॥
जातु च नरसिंहपुरे
तुङ्गातीरे सुसैकते मोदात् ।
विहृतिं कुर्वाणं मां
कस्माद्दूरीकरोषि वद वाणि ॥ १६ ॥
यतिवरकृतात्मविद्या-
-विलासमनिशं पठन्तमतिमोदात् ।
कस्माद्दूरीकरोषि वद वाणि ॥ १७ ॥
शङ्करभगवत्पाद-
-प्रणीतचूडामणिं विवेकादिम् ।
शृण्वन्तं नृहरिवने
कस्माद्दूरीकरोषि वद वाणि ॥ १८ ॥
इति श्रीसच्चिदानन्दशिवाभिनवनृसिंहभारतीस्वामिभिः विरचित श्री वाणी प्रश्नमाला स्तुतिः ॥