Devotional reading

Sri Sharada Pancharatna Stuti

Sri Sharada Pancharatna Stuti

About

This original guide introduces Sri Sharada Pancharatna Stuti and the astrological language named in its title. It is an educational overview, not a personal reading or prediction.

Hymn text

श्रीमच्छङ्करदेशिकेन्द्ररचिते तुङ्गापगातीरगे

शृङ्गेर्याख्यपुरस्थिते सुविमले सन्मौनिसंसेविते ।

पीठे तां रविकोटिदीप्तिसहितां राराज्यमानां शिवां

राजीवाक्षमुखामरार्चितपदां वन्दे सदा शारदाम् ॥ १ ॥

पादानम्रजनार्तिनाशनिपुणां नादानुसन्धायिनीं

वेदान्तप्रतिपाद्यमानविभवां वादादिशक्तिप्रदाम् ।

विद्याकल्पलतां चतुर्मुखमुखाम्भोजातसूर्यायितां

विद्यातीर्थगुरूत्तमैरहरहः संसेव्यमानां भजे ॥ २ ॥

ईषत्स्मेरमुखाम्बुजां कुचभरानम्रां त्रिलोकावनीं

दैत्यव्रातविनाशिनीं कचजितप्रावृट्पयोदां शिवम् ।

संसारार्णवमग्नदीनजनतासन्तापसन्नाशिनीं

वन्दे तां शुभदामनन्यशरणः स्वान्ते सदा शारदाम् ॥ ३ ॥

कारुण्यामृतवारिराशिमनिशं केयूरहारैर्वृतां

कामारेः सहजां कराब्जविलसत्कीरां कुबेरार्चिताम् ।

कामक्रोधमुखारिवर्गशमनीं कैवल्यसम्पत्प्रदां

कञ्जोद्भूतमनःप्रियां हृदि भजे भक्त्या सदा शारदाम् ॥ ४ ॥

नित्याऽनित्यविवेकदाननिपुणां स्तुत्यां मुकुन्दादिभिः

यत्याकारशशाङ्कमौलिविनुतां सत्यापितस्वाश्रवाम् ।

नत्या केवलमेव तुष्टहृदयां त्यक्त्वाऽन्यदेवानहं

भक्त्या मे हृदयाम्बुजेऽनवरतं वन्दे सदा शारदाम् ॥ ५ ॥

इति श्री शारदा पञ्चरत्न स्तुतिः ।

"देवनागरि" ,