Devotional reading

Sri Shanmukha Shatpadi Stava

Sri Shanmukha Shatpadi Stava

About

This original guide introduces Sri Shanmukha Shatpadi Stava and the astrological language named in its title. It is an educational overview, not a personal reading or prediction.

Hymn text

मयूराचलाग्रे सदारं वसन्तं

मुदारं ददानं नतेभ्यो वरांश्च ।

दधानं कराम्भोजमध्ये च शक्तिं

सदा षण्मुखं भावये हृत्सरोजे ॥ १ ॥

गिरीशास्यवाराशिपूर्णेन्दुबिम्बं

कुरङ्गाङ्कधिक्कारिवक्त्रारविन्दम् ।

सुरेन्द्रात्मजाचित्तपाथोजभानुं

सदा षण्मुखं भावये हृत्सरोजे ॥ २ ॥

नतानां हि राज्ञां गुणानां च षण्णां

कृपाभारतो यो द्रुतं बोधनाय ।

षडास्याम्बुजातान्यगृह्णात्परं तं

सदा षण्मुखं भावये हृत्सरोजे ॥ ३ ॥

पुरा तारकं यो विजित्याजिमध्ये

सुरान्दुःखमुक्तांश्चकाराशु मोदात् ।

तमानन्दकन्दं कृपावारिराशिं

सदा षण्मुखं भावये हृत्सरोजे ॥ ४ ॥

शराणां वने जातमेनं हि बालं

यतः कृत्तिकाः पाययन्ति स्म दुग्धम् ।

ततः कार्तिकेयं वदन्तीह यं तं

सदा षण्मुखं भावये हृत्सरोजे ॥ ५ ॥

हरन्तं च बाढं तमो हार्दगाढं

गवानाद्यया चातिमोदेन लीढम् ।

सुरेन्द्रस्य पुत्र्या च गाढोपगूढं

सदा षण्मुखं भावये हृत्सरोजे ॥ ६ ॥

इयं षट्पदी यस्य वक्त्रारविन्दे

विहारं करोत्यादरान्नित्यमेव ।

षडास्यः कृपातः समस्ताश्च विद्या

वितीर्याशु तस्मै स्वभक्तिं ददाति ॥ ७ ॥

इति श्रीशृङ्गेरिजगद्गुरु श्रीसच्चिदानन्द शिवाभिनवनृसिंहभारती स्वामिभिः विरचितं श्री षण्मुख षट्पदी स्तवः ।

"देवनागरि" ,