Stotra

Sri Sastha Panchakshara Stotram

About

Sri Sastha Panchakshara Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

ओङ्कारमूर्तिमार्तिघ्नं देवं हरिहरात्मजम् ।

शबरीपीठनिलयं शास्तारं प्रणतोऽस्म्यहम् ॥ १ ॥

नक्षत्रनाथवदनं नाथं त्रिभुवनावनम् ।

नमिताशेषभुवनं शास्तारं प्रणतोऽस्म्यहम् ॥ २ ॥

मन्मथायुतसौन्दर्यं महाभूतनिषेवितम् ।

मृगयारसिकं शूरं शास्तारं प्रणतोऽस्म्यहम् ॥ ३ ॥

शिवप्रदायिनं भक्तदैवतं पाण्ड्यबालकम् ।

शार्दूलदुग्धहर्तारं शास्तारं प्रणतोऽस्म्यहम् ॥ ४ ॥

वारणेन्द्रसमारूढं विश्वत्राणपरायणम् ।

वेत्रोद्भासिकराम्भोजं शास्तारं प्रणतोऽस्म्यहम् ॥ ५ ॥

यक्षिण्यभिमतं पूर्णापुष्कलापरिसेवितम् ।

क्षिप्रप्रसादकं नित्यं शास्तारं प्रणतोऽस्म्यहम् ॥ ६ ॥

इति श्री शास्ता पञ्चाक्षर स्तोत्रम् ।

"देवनागरि" ,