Devotional reading
Sri Saraswati Stuti (Varaha Purane Brahma Krutam)
About
This original guide introduces Sri Saraswati Stuti (Varaha Purane Brahma Krutam) and the astrological language named in its title. It is an educational overview, not a personal reading or prediction.
Hymn text
ब्रह्मोवाच ।
जयस्व सत्यसम्भूते ध्रुवे देवि धरेऽक्षरे ।
सर्वगे सर्वजननि सर्वभूतमहेश्वरि ॥ १ ॥
सर्वज्ञा त्वं वरारोहे सर्वसिद्धिप्रदायिनी ।
सिद्धिबुद्धिकरे देवि प्रसूतिः परमेश्वरि ॥ २ ॥
त्वं स्वाहा त्वं स्वधा देवि त्वमुत्पत्तिर्वरानने ।
त्वमोङ्कारः स्थिता देवि वेदोत्पत्तिस्त्वमेव च ॥ ३ ॥
देवानां दानवानां च यक्षगन्धर्वरक्षसाम् ।
पशूनां वीरुधां चापि त्वमुत्पत्तिर्वरानने ॥ ४ ॥
विद्या विद्येश्वरी सिद्धा प्रसिद्धा त्वं सुरेश्वरी ।
सर्वज्ञा त्वं वरारोहे सर्वसिद्धिविधायिनी ॥ ५ ॥
सर्वगा गतसन्देहा सर्वशत्रुनिबर्हिणी ।
सर्वविद्येश्वरी देवी नमस्ते स्वस्तिकारिणि ॥ ६ ॥
ऋतुस्नातां स्त्रियं गच्छेद्यस्त्वां स्तुत्वा वरानने ।
तस्यावश्यं भवेत् सृष्टिस्त्वत् प्रसादात् प्रजेश्वरि ।
स्वरूपा विजया भद्रे सर्वशत्रुविनाशिनी ॥ ७ ॥
इति श्रीवराहपुराणे एकनवतितमोऽध्याये ब्रह्म कृत श्री सरस्वती स्तुतिः ॥
"देवनागरि" ,