Stotra
Sri Saraswati Stotram – 1
About
Sri Saraswati Stotram – 1 is introduced as a stotra, a devotional hymn of praise. This original guide offers a place to explore its subject and approach the tradition with care.
Hymn text
सरस्वति नमस्तुभ्यं वरदे कामरूपिणि ।
विद्यारम्भं करिष्यामि सिद्धिर्भवतु मे सदा ॥ १ ॥
पद्मपत्रविशालाक्षि पद्मकेसरवर्णिनि ।
नित्यं पद्मालये देवि सा मां पातु सरस्वती ॥ २ ॥
सरस्वतीं सत्यवासां सुधांशुसमविग्रहाम् ।
स्फटिकाक्षस्रजं पद्मं पुस्तकं च शुकं करैः ॥ ३ ॥
चतुर्भिर्दधतीं देवीं चन्द्रबिम्बसमाननाम् ।
वल्लभामखिलार्थानां वल्लकीवादनप्रीत्याम् ॥ ४ ॥
भारतीं भावये देवीं भाषाणामधिदेवताम् ।
भावितां हृदये सद्भिः भामिनीं परमेष्ठिनः ॥ ५ ॥
चतुर्भुजां चन्द्रवर्णां चतुराननवल्लभाम् ।
आराधयामि वाणीं तां आश्रितार्थप्रदायिनीम् ॥ ६ ॥
कुन्दप्रसूनरदनां मन्दस्मितशुभाननाम् ।
गन्धर्वपूजितां वन्दे नीरजासनवल्लभाम् ॥ ७ ॥
या कुन्देन्दुतुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना ।
या ब्रह्माच्युतशङ्करप्रभृतिभिर्देवैः सदा पूजिता
सा मां पातु सरस्वती भगवती निःशेषजाड्यापहा ॥ ८ ॥
बुद्धिं देहि यशो देहि कवित्वं देहि देहि मे ।
मृडत्वं च हरेर्देवि त्राहि मां शरणागतम् ॥ ९ ॥
इति श्री सरस्वती स्तोत्रम् ॥
"देवनागरि" ,