Stotra

Sri Raghavendra Santoshaprada Stotram

About

Sri Raghavendra Santoshaprada Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

श्रीधामनि नरि मा धावय मम बोधातिरहित चित्तं

बाधापहरदसाधारणगुण मेधाविवर विना त्वाम् ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ १ ॥

रामाकटितटसोमाननकुचसीमारुचिमनुभोक्तुं

हेमाभरणकसामादिभिरपि मामाप्तमवधुनीते ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ २ ॥

घर्मापहरणशर्मावह तव भर्माभिकलित पादू

नर्मानतजनकर्माहितमपि धर्माययसि महात्मन् ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ३ ॥

वेलावनमतिमेलाब्धिसलिलमालामनुभविता चेत्

कीलालधिमणि जालाकृतियशसो लाघवमुददेः स्यात् ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ४ ॥

द्रागागत सुजनागार तुरग नागादि विविध सम्पत्

त्यागादर करुणागार बहुलभोगापक पदपद्म ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ५ ॥

यं कामयति कलङ्कावह बहुपङ्काकृतिरपि यत्त्वं

तं काममिममशङ्काकलितमलं कारयसि हि तेन ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ६ ॥

नारीति गदित मारीग्रह गति घोरीकृत भववार्धेः

तारी भव मयि चारी भवति हि का रीतिरियमुपेक्षा ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ७ ॥

मन्दाशयमपि वृन्दारक गुरुविन्दावयसि तथान्धं

शन्दाशु वितर कन्दासिततनुनन्दात्मजपदभक्तिम् ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ८ ॥

कृष्णाभिदकविरष्टार्णकमनु पुष्टां नुतिमवधूतः

कष्टार्जितमतिरिष्टार्थद तव शिष्टार्पयति विरच्य ।

राजानसि गुरुराजामरवर भूजायित शरणं मे

तोषं दिश दिश दोषं परिहर जोषं किमसि दयालो ॥ ८ ॥

इति श्रीकृष्णावधूत पण्डित कृतौ श्रीराघवेन्द्रतन्त्रे नवमपटले सन्तोषप्रदस्तोत्रं नाम अष्टमोऽध्यायः ॥

Sign in to AstroNear

Continue with Google to save your birth details and saved horoscopes to your account.