Stotra

Sri Raghavendra Dukha Harana Stotram

About

Sri Raghavendra Dukha Harana Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

श्रीपतिबोध विबोधक बाधक

बाधक साधित साधन भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ १ ॥

राजमुखीरतिसम्भ्रमलोलुप-

-चित्ततया व्यचरं बहु भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ २ ॥

घटतां मे कथमस्य दुराचर-

-णं चरतो हितकृद्भुवि भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ३ ॥

वेदपुराणविरुद्धकृतो मे

नान्यस्त्वत्तः पाता भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ४ ॥

द्रागिष्टं दास्यसि भक्तेभ्य-

-स्त्वमिति श्रुत्वा त्वापं भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ५ ॥

यद्यसि दयालुरिति विख्यात-

-स्तर्हीदृक्षं मामुद्धर भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ६ ॥

न ममोद्धर्ता चेत् त्वं भुवि ते

दिविजद्रुम (इति) सुयशः किं भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ७ ॥

मायापाशविबद्धो नाहं

जाने विवेकलवमपि भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ८ ॥

कृष्णावधूतविरचितमष्टक-

-मेतत् पठतां सकलं भो ।

राघवेन्द्र गुरुराज भवोद्भव-

-दुःखमिदं मे परिहर भो ॥ ९ ॥

इति श्रीकृष्णावधूत पण्डित कृतौ श्रीराघवेन्द्रतन्त्रे नवमपटले दुःखहरण स्तोत्रं नाम तृतीयोध्यायः ॥