Ashtakam
Sri Raghavendra Ashtakshara Stotram
About
Sri Raghavendra Ashtakshara Stotram is introduced as an ashtakam, a devotional hymn form associated with a focused sequence of verses. The guide offers context without prescribing a single way to recite or interpret it.
Hymn text
गुरुराजाष्टाक्षरं स्यात् महापातकनाशनम् ।
एकैकमक्षरं चात्र सर्वकाम्यार्थसिद्धिदम् ॥ १ ॥
रकारोच्चारमात्रेण रोगहानिर्न संशयः ।
घकारेण बलं पुष्टिः आयुस्तेजश्च वर्धते ॥ २ ॥
वकारेणात्र लभते वाञ्छितार्थान्न संशयः ।
द्रकारेणाघराशिस्तु द्राव्यते द्रुतमेव हि ॥ ३ ॥
यकारेण यमाद्बाधो वार्यते नात्र संशयः ।
नकारेण नरेन्द्राणां पदमाप्नोति मानवः ॥ ४ ॥
मकारेणैव माहेन्द्रमैश्वर्यं याति मानवः ।
गुरोर्नाम्नश्च माहात्म्यं अपूर्वं परमाद्भुतम् ॥ ५ ॥
तन्नामस्मरणादेव सर्वाभीष्टं प्रसिध्यति ।
तस्मान्नित्यं पठेद्भक्त्या गुरुपादरतः सदा ॥ ६ ॥
श्री राघवेन्द्राय नमः इत्यष्टाक्षरमन्त्रतः ।
सर्वान् कामानवाप्नोति नात्र कार्या विचारणा ॥ ७ ॥
अष्टोत्तरशतावृत्तिं स्तोत्रस्यास्य करोति यः ।
तस्य सर्वार्थसिद्धिः स्यात् गुरुराजप्रसादतः ॥ ८ ॥
एतदष्टाक्षरस्यात्र माहात्म्यं वेत्ति कः पुमान् ।
पठनादेव सर्वार्थसिद्धिर्भवति नान्यथा ॥ ९ ॥
स्वामिना राघवेन्द्राख्यगुरुपादाब्जसेविना ।
कृतमष्टाक्षरस्तोत्रं गुरुप्रीतिकरं शुभम् ॥ १० ॥
इति श्रीगुरुजगन्नाथदासार्य विरचितं श्री राघवेन्द्र अष्टाक्षर स्तोत्रम् ॥