Stotra

Sri Raghavendra Apat Pariharana Stotram

About

Sri Raghavendra Apat Pariharana Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

श्रीकामुकाय बहुशोकाय तत्सुखमभीकाशु यच्छसि हि

लोकाय तद्दुरितपाकाप्त पङ्गुजडमूकादिभावहरणा ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ १ ॥

राजादि भक्तजन पूजालसत्पदपयोजाम्बुबिन्दुरपि

बीजायते सुविधि भूजाय दूननृषु ते जागरूककरुण ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ २ ॥

घोटीमदेभवरशाटीविराजिनृपकोटीशिरोविधृत

कोटीररत्नपरिपाटीभृशारुणितपाटीरपादुक विभो ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादि भववाराशि सम्भवदपारापदः शमय भो ॥ ३ ॥

वेदादिदूषककुवादादराध्यसुमनोदावदाहक म-

-हादावदोषविधुरे दानवद्विषि ममादाय धेहि हृदयम् ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ४ ॥

द्राक्षामधुक्षरणशिक्षाकरामलकटाक्षावलोकत उत

तत्क्षामतां हरसि भिक्षाटकस्य भुवि लक्षाधिकस्य सपदि ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ५ ॥

यानादिसम्पदमनूनामवाप्तुमहमानायि पूर्वसृकृ-

-तेनाग्र्य ते पदमतोऽनादि दुर्दुरितमानाशयाशु मम भो ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ६ ॥

नागारिवाहपदयोगादरामितदागारदारधन

भोगावनाप्तुमनुरागात्तवाङ्घ्रिमतिवेगादुपैमि सुखदम् ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ७ ॥

मन्त्रालयस्थ तव मन्त्रादिजप्तुररिमन्त्रादि संहतिर

तन्त्राभवत्यखिलतन्त्रादिकेष्वपरतन्त्राव मामुपगतम् ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ८ ॥

कृष्णावधूतकृतमिष्टार्थदानचणमष्टार्णमन्त्र परि-

-पुष्टातुलं स्तवमकष्टावहं शुभमरिष्टापहं पठति यः ।

श्रीराघवेन्द्र तदवीरादिभोग भवघोराघमाशुहरा [पदवीर्यादि]

दारात्मजादिभववाराशि सम्भवदपारापदः शमय भो ॥ ९ ॥

इति श्रीकृष्णावधूत पण्डित कृतौ श्रीराघवेन्द्रतन्त्रे नवमपटले आपत्परिहरण स्तोत्रम् नाम द्वितीयोऽध्यायः ॥