Stotra

Sri Raghavendra Abhaya Pradana Stotram

About

Sri Raghavendra Abhaya Pradana Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

श्रितानां स्वपादं मनोऽभीष्टदाने

सुरद्रुप्रमोद प्रहादि प्रभाव ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ १ ॥

रजोहीन तेऽहीनपादाम्बुजातं

प्रपन्नः प्रयाति प्रकृष्टप्रमोदम् ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ २ ॥

घनानन्द ते पादपद्मं प्रविन्द-

-न्ननन्दोऽप्यमन्दं सदानन्दमेति ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ३ ॥

वदान्यो वदान्यो वदान्यास्ति कस्त्वां

ततोऽहं यतेहन्त ते पादमाप्तः ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ४ ॥

दयालो दयालो दयालो दयालो

दयां कुर्वमोघां पदं ते प्रपद्ये ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ५ ॥

यथाशक्ति पादस्तुतिं तेऽप्पणार्य

प्रगीतां पठन्तः प्रमोदं भजन्ति ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ६ ॥

न जानामि ते पादसेवाविधानं

यथाशक्ति किन्तु स्वयं स्तौमि नौमि ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ७ ॥

महापद्विनाशाय ते पादरेणुः

प्रभुः स्यादतस्त्वां विपन्नोऽहमाप्तः ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ८ ॥

भुजङ्गे भुजङ्गेन कृष्णावधूते-

-न गीतं सुगीतेन लोके पठेद्यः ।

अव त्वं सदा श्रीगुरो राघवेन्द्र

प्रभो मे शिरस्याशु हस्तं निधेहि ॥ ९ ॥

इति श्रीकृष्णावधूत पण्डित कृतौ श्रीराघवेन्द्रतन्त्रे नवमपटले अभयप्रदानं नाम प्रथमोऽध्यायः ॥