Stotra

Sri Narayana Stotram (Mrigashringa Kritam)

Sri Narayana Stotram (Mrigashringa Kritam)

About

Sri Narayana Stotram (Mrigashringa Kritam) is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

मृगशृङ्ग उवाच ।

नारायणाय नलिनायतलोचनाय

नाथाय पत्ररथनायकवाहनाय ।

नव्याम्बुदाभरुचिराय नमः परस्मै ॥ १ ॥

ओं नमो वासुदेवाय लोकानुग्रहकारिणे ।

धर्मस्य स्थापनार्थाय यथेच्छवपुषे नमः ॥ २ ॥

सृष्टिस्थित्यनुसंहारान् मनसा कुर्वते नमः ।

संहृत्य सकलान् लोकान् शायिने वटपल्लवे ॥ ३ ॥

सदानन्दाय शान्ताय चित्स्वरूपाय विष्णवे ।

स्वेच्छाधीनचरित्राय निरीशायेश्वराय च ॥ ४ ॥

मुक्तिप्रदायिने सद्यो मुमुक्षूणां महात्मनाम् ।

वसते भक्तचित्तेषु हृदये योगिनामपि ॥ ५ ॥

चराचरमिदं कृत्स्नं तेजसा व्याप्य तिष्ठते ।

विश्वाधिकाय महतो महतेऽणोरणीयसे ॥ ६ ॥

स्तूयमानाय दान्ताय वाक्यैरुपनिषद्भवैः ।

अपारघोरसंसारसागरोत्तारहेतवे ॥ ७ ॥

नमस्ते लोकनाथाय लोकातीताय ते नमः ।

नमः परमकल्याणनिधये परमात्मने ॥ ८ ॥

अच्युतायाप्रमेयाय निर्गुणाय नमो नमः ।

नमः सहस्रशिरसे नमः सततभास्वते ॥ ९ ॥

नमः कमलनेत्राय नमोऽनन्ताय विष्णवे ।

नमस्त्रिमूर्तये धात्रे नमस्त्रियुगशक्तये ॥ १० ॥

नमः समस्तसुहृदे नमः सततजिष्णवे ।

शङ्खचक्रगदापद्मधारिणे लोकधारिणे ॥ ११ ॥

स्फुरत्किरीटकेयूरमुकुटाङ्गदधारिणे ।

निर्द्वन्द्वाय निरीहाय निर्विकाराय वै नमः ॥ १२ ॥

पाहि मां पुण्डरीकाक्ष शरण्य शरणागतम् ।

त्वमेव सर्वभूतानामाश्रयः परमा गतिः ॥ १३ ॥

त्वयि स्थितं यथा चित्तं न मे चञ्चलतां व्रजेत् ।

तथा प्रसीद देवेश शरण्यं त्वाऽऽगतोऽस्म्यहम् ।

नमस्तुभ्यं नमस्तुभ्यं भूयो भूयो नमो नमः ॥ १४ ॥

इति श्रीपद्मपुराणे उत्तरखण्डे द्वाविंशत्यधिकद्विशततमोऽध्याये मृगशृङ्ग कृत श्री नारायण स्तोत्रम् ॥