Stotra

Sri Narasimha Stotram 5 (Vasudevananda Saraswati Krutam)

Sri Narasimha Stotram 5 (Vasudevananda Saraswati Krutam)

About

Sri Narasimha Stotram 5 (Vasudevananda Saraswati Krutam) is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

जय जय भयहारिन् भक्तचित्ताब्जचारिन्

जय जय नयचारिन् दृप्तमत्तारिमारिन् ।

जय जय जयशालिन् पाहि नः शूरसिंह

जय जय दययार्द्र त्राहि नः श्रीनृसिंह ॥ १ ॥

असुरसमरधीरस्त्वं महात्मासि जिष्णो

अमरविसरवीरस्त्वं परात्मासि विष्णो ।

सदयहृदय गोप्ता त्वन्न चान्यो विमोह

जय जय दययार्द्र त्राहि नः श्रीनृसिंह ॥ २ ॥

खरतरनखरास्त्रं स्वारिहत्यै विधत्से

परतरवरहस्तं स्वावनायैव धत्से ।

भवभयभयकर्ता कोऽपरास्तार्क्ष्यवाह

जय जय दययार्द्र त्राहि नः श्रीनृसिंह ॥ ३ ॥

असुरकुलबलारिः स्वेष्टचेतस्तमोऽरिः

सकलखलबलारिस्त्वं स्वभक्तारिवैरी ।

त्वदित स इनदृक् सत्पक्षपाती न चेह

जय जय दययार्द्र त्राहि नः श्रीनृसिंह ॥ ४ ॥

सकलसुरबलारिः प्राणिमात्रापकारी

तव भजकवरारिर्धर्मविध्वंसकारी ।

सुरवरवरदृप्तः सोऽप्यरिस्ते हतो ह

जय जय दययार्द्र त्राहि नः श्रीनृसिंह ॥ ५ ॥

दहनादहहाब्धिपातना-

-द्गरदानाद्भृगुपातनादपि ।

निजभक्त इहावितो यथा

नरसिंहापि सदाव नस्तथा ॥ ६ ॥

निजभृत्यविभाषितं मितं

खलु कर्तुं त्वमृतं दयाकर ।

निजरूपं नरसिंह धीश्वर ॥ ७ ॥

नाराधनं न हवनं न तपो जपो वा

तीर्थं व्रतं न च कृतं श्रवणादि नो वा ।

सेवा कुटुम्बभरणाय कृतादिदीना

दीनार्तिहन् नरहरेऽघहरे ह नोऽव ॥ ८ ॥

इति श्रीमत्परमहंस परिव्राजकाचार्य श्रीवासुदेवानन्दसरस्वती विरचितं श्री नरसिंह स्तोत्रम् ।

"देवनागरि" ,