Stotra

Sri Narasimha Stambha Avirbhava Stotram

Sri Narasimha Stambha Avirbhava Stotram

About

Sri Narasimha Stambha Avirbhava Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

(धन्यवादः – श्री अकलङ्कं सुदर्शनाचार्युलु महोदयः)

(धन्यवादः – श्री अकलङ्कं सुदर्शनाचार्युलु महोदयः)

सहस्रभास्करस्फुरत्प्रभाक्षदुर्निरीक्षणं

प्रभग्नक्रूरकृद्धिरण्यकश्यपोरुरःस्थलम् ।

अजसृजाण्डकर्परप्रभिन्नरौद्रगर्जनं

उदग्रनिग्रहाग्रहोग्रविग्रहाकृतिं भजे ॥ १ ॥

स्वयम्भुशम्भुजम्भजित्प्रमुख्यदिव्यसम्भ्रम-

-द्विजृम्भदुद्यदुत्कटोग्रदैत्यदम्भकुम्भिभित् ।

अनर्गलाट्टहासनिस्पृहाष्टदिग्गजार्भटिं

युगान्तिमान्तककृतान्तधिक्कृतान्तकं भजे ॥ २ ॥

जगज्ज्वलद्दहद्ग्रसद्बृहत्स्फुरन्मुखार्भटिं

महद्भयद्भवद्धगद्धगल्लसत्कृताकृतिम् ।

हिरण्यकश्यपोः सहस्रसंहरत्समर्थकृ-

-न्मुहुर्मुहुर्गलद्गलद्ध्वनन्नृसिंह रक्ष माम् ॥ ३ ॥

जयत्ववक्रविक्रमक्रमाक्रमक्रियाहरत्

स्फुरत्सहस्रविस्फुलिङ्गभास्करप्रभाग्रसत् ।

धगद्धगद्धगल्लसन्महद्भ्रमत्सुदर्शनो-

-न्मदेभभित्स्वरूपभृद्धवत्कृपामृताम्बुधिः ॥ ४ ॥

विपक्षपक्षराक्षसाक्षमाक्षरूक्षवीक्षणं

सदाक्षयत्कृपाकटाक्षलक्ष्मिलक्ष्मवक्षसम् ।

विचक्षणं विलक्षणं सुतीक्षणं प्रतिक्षणं

परीक्ष दीक्ष रक्ष शिक्ष साक्षिण क्षमं भजे ॥ ५ ॥

अपूर्व शौर्य धैर्य वीर्य दुर्निवार्य दुर्गमं

अगर्व सर्वनिर्वहत्सुपर्ववर्य पर्विणम् ।

अकार्यकार्यकृद्धनार्यपर्वतप्रहारिणं

सदार्यकार्यभार सत्प्रचार गुर्विणं भजे ॥ ६ ॥

करालवक्त्र कर्कशोग्रवज्रदंष्ट्रमुज्ज्वलं

कुठारखड्गकुन्ततोमराङ्कुशोन्नखायुधम् ।

महाभ्रयूधभग्नसञ्चलत्सटाजटालकं

जगत्प्रमूर्छिताट्टहासचक्रवर्ति सम्भजे ॥ ७ ॥

प्रपत्ति प्रार्थनार्चनाभिवन्दन प्रदक्षिणा

नताननाङ्ग वाङ्मनः स्मरज्जपस्तुवत्सगत् ।

कदाश्रुपूरणार्द्रदिव्यभक्तिपारवश्यता

सकृद्भवत्क्रियाचरन्नृसिंह मां प्रसीद ताम् ॥ ८ ॥

दरिद्रदेविदुष्टदृष्टिदुःखदुर्भरं हरं

नवग्रहोग्रवक्रदोषणाधिव्याधिनिग्रहम् ।

परौषधाधि मन्त्रयन्त्रतन्त्र कृत्रिमं हनं

अकालमृत्युमृत्यु मृत्युमुग्रमूर्तिनं भजे ॥ ९ ॥

इदं नृसिंह स्तम्भसम्भवावतार संस्तवं

वराऽकलङ्कवंश्य वेङ्कटाभिधान वैष्णवः ।

समर्पितोऽस्मि सर्वदा नृसिंहदास्यतेच्छया

रमाङ्क यादशैल नारसिंह तेङ्घ्रि सन्निधौ ॥ १० ॥

इति श्री अकलङ्कं तिरुमल वेङ्कटरमणाचार्य कृतं श्री नृसिंह स्तम्भाविर्भाव स्तोत्रम् ।

अधिकश्लोकं –

नवग्रहाऽपमृत्युगण्ड वास्तुरोग वृश्चिक

अग्नि बाडबाग्नि काननाग्नि शतृमण्डल ।

प्रवाह क्षुत्पिपास दुःख तस्कर प्रयोग दु-

-ष्प्रमादसङ्कटात् सदा नृसिंह रक्ष मां प्रभो ॥ १० ॥