Devotional reading

Sri Manasateertha (Manasarovar) Stuti

About

This original guide introduces Sri Manasateertha (Manasarovar) Stuti and the astrological language named in its title. It is an educational overview, not a personal reading or prediction.

Hymn text

तीर्थं सुमानसं वन्दे कैलासगिरि संस्थितम् ।

संसारतापशमनं परमानन्ददायकम् ॥ १ ॥

श्रीतीर्थं मानसं वन्दे शिवाभ्यां नित्यसंस्थितम् ।

निर्मलं नित्यसंसेव्यं सच्चिदानन्दलक्षणम् ॥ २ ॥

गङ्गादि सर्वतीर्थेभ्यः पवित्रं पापनाशनम् ।

ब्रह्मादिसुरसंसेव्यं शिवानुग्रहकारणम् ॥ ३ ॥

ज्ञानरूपं ज्ञानगम्यं सत्यशान्तिप्रदं नृणाम् ।

नित्यशुद्धं शिवाकारं वन्दे श्रीमानसं सरः ॥ ४ ॥

मोक्षश्रीलसितं नित्यं शिवज्ञानप्रदायकम् ।

विश्वेश्वरवराल्लभ्यं वन्देऽहं मानसाह्वयम् ॥ ५ ॥

श्रीमन्मानसतीर्थराजमनिशं कैलासशैलस्थितं

नित्यं भूतपतेस्तथैव गिरिजा स्नानैक पूतं शिवम् ।

ये नित्यं हृदि संस्मरन्ति मनुजाः मोक्षैक सम्पादकाः

तस्मात् नित्यमनुस्मरन्तु सुजनाः तीर्थं परं मानसम् ॥ ६ ॥

संवेद्यं निगमागमादिविनुतं कैवल्यसम्पादकं

नानायोगिमुनीन्द्रचारणगणैः सिद्धैः सुरैः सेवितम् ।

संसेव्यं सकलैर्जनैर्भुविमुदा संसारतापापहं

विख्यातं विजयप्रदं भुविनृणां सन्दर्शनान्मोक्षदम् ॥ ७ ॥

नित्यानन्द रसालयं निरुपमं सद्भक्तकल्पद्रुमं

नानाऽसार सुसारभूतममलं त्रैलोक्यसंरक्षकम् ।

विख्यातं विजयप्रदं विधिनुतं विश्वेशसम्पालितं

विश्वज्ञान विभूति भासितपदं विश्वैक शान्तिप्रदम् ॥ ८ ॥

शैवाद्वैत सुसिद्धिदं शिवपरं श्रीमानसं नौम्यहं

नानाकारणकारणं नतजनश्रेयैकसम्पत्प्रदम् ।

विश्वोत्पत्ति विनाश रक्षणचणं विश्वैकसम्मोहनं

श्रीमन्निर्मलरामनाथ विदुषा सङ्कीर्तितं सर्वदा ॥ ९ ॥

श्रीमत्पावनपावनं शृतिशिरोवेद्यं शिवज्ञानदं

श्रीमन्नन्दि शिवैकपार्षदनुतं पीयूषसारोपमम् ।

सर्वज्ञादि सुलक्षणैक निलयं नित्यैक भव्योत्सवं

श्रीमन्मानसतीर्थराजममलं भूत्यै भुवः सर्वदा ॥ १० ॥

इति गुरुमूर्ति शिवयोगि श्री निर्मल रामनाथ शर्म कृत श्री मानसतीर्थ स्तुतिः ॥