Devotional reading

Sri Lalithamba Parameshwara Stava

Sri Lalithamba Parameshwara Stava

About

This original guide introduces Sri Lalithamba Parameshwara Stava and the astrological language named in its title. It is an educational overview, not a personal reading or prediction.

Hymn text

कलयतु कल्याणततिं

कमलासखपद्मयोनिमुखवन्द्यः ।

कामेशस्त्रिपुरसुन्दरीनाथः ॥ १ ॥

एकैवाहं जगती-

-त्यायोधनमध्य अब्रवीद्यादौ ।

शुम्भं प्रति सा पाया-

-दाद्या शक्तिः कृपापयोराशिः ॥ २ ॥

ईषदिति मन्यते य-

-त्पदभक्तः शम्भुविष्णुमुखपदवीः ।

सा मे निश्चलविरतिं

दद्याद्विषयेषु विष इवात्यन्तम् ॥ ३ ॥

लभते परात्मविद्यां

सुदृढामेवाशु यत्पदासक्तः ।

तां नौमि बोधरूपा-

-माद्यां विद्यां शिवाजमुखसेव्याम् ॥ ४ ॥

ह्रीमान्भवेत्सुरेश-

-स्तद्गुरुरपि यत्पदाब्जभक्तस्य ।

लक्ष्मीं गिरं च दृष्ट्वा

सा मामव्यात्तयोः प्रदानेन ॥ ५ ॥

हसति विधुं हासेन

प्रवालमपि पञ्चशाखमार्दवतः ।

अधरेण बिम्बमव्या-

-त्सा मा सोमार्धमूर्धपुण्यततिः ॥ ६ ॥

सकलाम्नायशिरोभि-

-स्तात्पर्येणैव गीयते रूपम् ।

यस्याः सावतु सततं

गङ्गाधरपूर्वपुण्यपरिपाठी ॥ ७ ॥

कलिमलनिवारणव्रत-

-कृतदीक्षः कालसर्वगर्वहरः ।

करणवशीकरणपटु-

-प्राभवदः पातु पार्वतीनाथः ॥ ८ ॥

हरतु तमो हार्दं मे

हालाहलराजमानगलदेशः ।

परहंसाराध्यपादपाथोजः ॥ ९ ॥

ललनाः सुरेश्वराणां

यत्पादपाथोजमर्चयन्ति मुदा ।

सा मे मनसि विहारं

रचयतु राकेन्दुगर्वहरवदना ॥ १० ॥

ह्रीमन्तः कलयति यो

मूलं मूलं समस्तलक्ष्मीनाम् ।

तं चक्रवर्तिनोऽपि

प्रणमन्ति च यान्ति तस्य भृत्यत्वम् ॥

सदनं प्रभवति वाचां

यन्मूर्तिध्यानतो हि मूकोऽपि ।

सरसां सालङ्कारां

सा मे वाचं ददातु शिवमहिषी ॥ १२ ॥

करकलितपाशसृणिशर-

-शरासनः कामधुक्प्रणम्राणाम् ।

कामेश्वरीहृदम्बुज-

-भानुः पायाद्युवा कोऽपि ॥ १३ ॥

लब्ध्वा स्वयं पुमर्थां-

-श्चतुरः किञ्चात्मभक्तवर्येभ्यः ।

सा मयि करुणां करोतु कामेशी ॥ १४ ॥

जीवन्मुक्तिं च भुक्तिं च ।

या प्रददात्यचिरात्तां

नौमि श्रीचक्रराजकृतवसतिम् ॥ १५ ॥

श्रीमातृपदपयोजा-

-सक्तस्वान्तेन केनचिद्यतिना ।

रचिता स्तुतिरियमवनौ

पठतां भक्त्या ददाति शुभपङ्क्तिम् ॥ १६ ॥

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्री ललिताम्बा परमेश्वर स्तवः ।