Stotra

Sri Kubera Stotram

Sri Kubera Stotram

About

Sri Kubera Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

कुबेरो धनद श्रीदः राजराजो धनेश्वरः ।

धनलक्ष्मीप्रियतमो धनाढ्यो धनिकप्रियः ॥ १ ॥

दाक्षिण्यो धर्मनिरतः दयावन्तो धृढव्रतः ।

दिव्य लक्षण सम्पन्नो दीनार्ति जनरक्षकः ॥ २ ॥

धान्यलक्ष्मी समाराध्यो धैर्यलक्ष्मी विराजितः ।

दयारूपो धर्मबुद्धिः धर्म संरक्षणोत्सकः ॥ ३ ॥

निधीश्वरो निरालम्बो निधीनां परिपालकः ।

नियन्ता निर्गुणाकारः निष्कामो निरुपद्रवः ॥ ४ ॥

नवनाग समाराध्यो नवसङ्ख्या प्रवर्तकः ।

मान्यश्चैत्ररथाधीशः महागुणगणान्वितः ॥ ५ ॥

याज्ञिको यजनासक्तः यज्ञभुग्यज्ञरक्षकः ।

राजचन्द्रो रमाधीशो रञ्जको राजपूजितः ॥ ६ ॥

विचित्रवस्त्रवेषाढ्यः वियद्गमन मानसः ।

विजयो विमलो वन्द्यो वन्दारु जनवत्सलः ॥ ७ ॥

विरूपाक्ष प्रियतमो विरागी विश्वतोमुखः ।

सर्वव्याप्तो सदानन्दः सर्वशक्ति समन्वितः ॥ ८ ॥

सामदानरतः सौम्यः सर्वबाधानिवारकः ।

सुप्रीतः सुलभः सोमो सर्वकार्यधुरन्धरः ॥ ९ ॥

सामगानप्रियः साक्षाद्विभव श्री विराजितः ।

अश्ववाहन सम्प्रीतो अखिलाण्ड प्रवर्तकः ॥ १० ॥

अव्ययोर्चन सम्प्रीतः अमृतास्वादन प्रियः ।

अलकापुरसंवासी अहङ्कारविवर्जितः ॥ ११ ॥

उदारबुद्धिरुद्दामवैभवो नरवाहनः ।

किन्नरेशो वैश्रवणः कालचक्रप्रवर्तकः ॥ १२ ॥

अष्टलक्ष्म्या समायुक्तः अव्यक्तोऽमलविग्रहः ।

लोकाराध्यो लोकपालो लोकवन्द्यो सुलक्षणः ॥ १३ ॥

सुलभः सुभगः शुद्धो शङ्कराराधनप्रियः ।

शान्तः शुद्धगुणोपेतः शाश्वतः शुद्धविग्रहः ॥ १४ ॥

सर्वागमज्ञो सुमतिः सर्वदेवगणार्चकः ।

शङ्खहस्तधरः श्रीमान् परं ज्योतिः परात्परः ॥ १५ ॥

शमादिगुणसम्पन्नः शरण्यो दीनवत्सलः ।

परोपकारी पापघ्नः तरुणादित्यसन्निभः ॥ १६ ॥

दान्तः सर्वगुणोपेतः सुरेन्द्रसमवैभवः ।

विश्वख्यातो वीतभयः अनन्तानन्तसौख्यदः ॥ १७ ॥

प्रातः काले पठेत् स्तोत्रं शुचिर्भूत्वा दिने दिने ।

तेन प्राप्नोति पुरुषः श्रियं देवेन्द्रसन्निभम् ॥ १८ ॥

इति श्री कुबेर स्तोत्रम् ॥