Devotional reading

Sri Kali Kavacham (Trailokya Vijayam)

Sri Kali Kavacham (Trailokya Vijayam)

About

This original guide introduces Sri Kali Kavacham (Trailokya Vijayam) and the astrological language named in its title. It is an educational overview, not a personal reading or prediction.

Hymn text

श्रीसदाशिव उवाच ।

त्रैलोक्यविजयस्यास्य कवचस्य ऋषिः शिवः ।

छन्दोऽनुष्टुब्देवता च आद्याकाली प्रकीर्तिता ॥ १ ॥

मायाबीजं बीजमिति रमा शक्तिरुदाहृता ।

क्रीं कीलकं काम्यसिद्धौ विनियोगः प्रकीर्तितः ॥ २ ॥

अथ कवचम् ।

ह्रीमाद्या मे शिरः पातु श्रीं काली वदनं मम ।

हृदयं क्रीं परा शक्तिः पायात्कण्ठं परात्परा ॥ ३ ॥

नेत्रे पातु जगद्धात्री कर्णौ रक्षतु शङ्करी ।

घ्राणं पातु महामाया रसनां सर्वमङ्गला ॥ ४ ॥

दन्तान् रक्षतु कौमारी कपोलौ कमलालया ।

ओष्ठाधरौ क्षमा रक्षेच्चिबुकं चारुहासिनी ॥ ५ ॥

ग्रीवां पायात्कुलेशानी ककुत्पातु कृपामयी ।

द्वौ बाहू बाहुदा रक्षेत्करौ कैवल्यदायिनी ॥ ६ ॥

स्कन्धौ कपर्दिनी पातु पृष्ठं त्रैलोक्यतारिणी ।

पार्श्वे पायादपर्णा मे कटिं मे कमठासना ॥ ७ ॥

नाभौ पातु विशालाक्षी प्रजास्थानं प्रभावती ।

ऊरू रक्षतु कल्याणी पादौ मे पातु पार्वती ॥ ८ ॥

जयदुर्गाऽवतु प्राणान् सर्वाङ्गं सर्वसिद्धिदा ।

रक्षाहीनं तु यत् स्थानं वर्जितं कवचेन च ॥ ९ ॥

तत्सर्वं मे सदा रक्षेदाद्याकाली सनातनी ।

इति ते कथितं दिव्यं त्रैलोक्यविजयाभिधम् ॥ १० ॥

कवचं कालिकादेव्या आद्यायाः परमाद्भुतम् ।

पूजाकाले पठेद्यस्तु आद्याधिकृतमानसः ॥ ११ ॥

सर्वान् कामानवाप्नोति तस्याद्याशु प्रसीदति ।

मन्त्रसिद्धिर्भवेदाशु किङ्कराः क्षुद्रसिद्धयः ॥ १२ ॥

अपुत्रो लभते पुत्रं धनार्थी प्राप्नुयाद्धनम् ।

विद्यार्थी लभते विद्यां कामी कामानवाप्नुयात् ॥ १३ ॥

सहस्रावृत्तपाठेन वर्मणोऽस्य पुरस्क्रिया ।

पुरश्चरणसम्पन्नं यथोक्तफलदं भवेत् ॥ १४ ॥

चन्दनागरुकस्तूरीकुङ्कुमै रक्तचन्दनैः ।

भूर्जे विलिख्य गुटिकां स्वर्णस्थां धारयेद्यदि ॥ १५ ॥

शिखायां दक्षिणे बाहौ कण्ठे वा साधकः कटौ ।

तस्याद्या कालिका वश्या वाञ्छितार्थं प्रयच्छति ॥ १६ ॥

न कुत्रापि भयं तस्य सर्वत्र विजयी कविः ।

अरोगी चिरजीवी स्याद्बलवान् धारणक्षमः ॥ १७ ॥

सर्वविद्यासु निपुणः सर्वशास्त्रार्थतत्त्ववित् ।

वशे तस्य महीपाला भोगमोक्षौ करस्थितौ ॥ १८ ॥

इति महानिर्वाणतन्त्रे सप्तमोल्लासे त्रैलोक्यविजयकवचं नाम श्री कालिका कवचम् ।