Devotional reading

Sri Jagannatha Panchakam

About

This original guide introduces Sri Jagannatha Panchakam and the astrological language named in its title. It is an educational overview, not a personal reading or prediction.

Hymn text

रक्ताम्भोरुहदर्पभञ्जनमहासौन्दर्यनेत्रद्वयं

मुक्ताहारविलम्बिहेममुकुटं रत्नोज्ज्वलत्कुण्डलम् ।

वर्षामेघसमाननीलवपुषं ग्रैवेयहारान्वितं

पार्श्वे चक्रधरं प्रसन्नवदनं नीलाद्रिनाथं भजे ॥ १ ॥

फुल्लेन्दीवरलोचनं नवघनश्यामाभिरामाकृतिं

विश्वेशं कमलाविलासविलसत्पादारविन्दद्वयम् ।

दैत्यारिं सकलेन्दुमण्डितमुखं चक्राब्जहस्तद्वयं

वन्दे श्रीपुरुषोत्तमं प्रतिदिनं लक्ष्मीनिवासालयम् ॥ २ ॥

उद्यन्नीरदनीलसुन्दरतनुं पूर्णेन्दुबिम्बाननं

राजीवोत्पलपत्रनेत्रयुगलं कारुण्यवारांनिधिम् ।

भक्तानां सकलार्तिनाशनकरं चिन्ताब्धिचिन्तामणिं

वन्दे श्रीपुरुषोत्तमं प्रतिदिनं नीलाद्रिचूडामणिम् ॥ ३ ॥

नीलाद्रौ शङ्खमध्ये शतदलकमले रत्नसिंहासनस्थं

सर्वालङ्कारयुक्तं नवघनरुचिरं सम्युतं चाग्रजेन ।

भद्राया वामभागे रथचरणयुतं ब्रह्मरुद्रेन्द्रवन्द्यं

वेदानां सारमीशं सुजनपरिवृतं ब्रह्मतातं स्मरामि ॥ ४ ॥

दोर्भ्यां शोभितलाङ्गलं समुसलं कादम्बरीचञ्चलं

रत्नाढ्यं वरकुण्डलं भुजबलैराक्रान्तभूमण्डलम् ।

वज्राभामलचारुगण्डयुगलं नागेन्द्रचूडोज्ज्वलं

सङ्ग्रामे चपलं शशाङ्कधवलं श्रीकामपालं भजे ॥ ५ ॥

इति श्री जगन्नाथ पञ्चकम् ॥

"देवनागरि" ,