Stotra

Sri Govindaraja Stotram

Sri Govindaraja Stotram

About

Sri Govindaraja Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

गोविन्दराज गुरुगोपकुलावतार ।

श्रीपूरधीश्वर जयादिम देवदेव

नाथ प्रसीद नत कल्पतरो नमस्ते ॥ १ ॥

लीलाविभूतिजनतापरिरक्षणार्थं

दिव्यप्रबोधशुकयोगिसमप्रभाव ।

स्वामिन् भवत्पदसरोरुहसात्कृतं तं

योगीश्वरं शठरिपुं कृपया प्रदेहि ॥ २ ॥

श्रीभूमिनायकदयाकरदिव्यमूर्ते

देवाधिदेवजगदेक शरण्य विष्णो ।

गोपाङ्गनाकुचसरोरुहभृङ्गराज

गोविन्दराज विजयी भव कोमलाङ्ग ॥ ३ ॥

देवाधिदेव फणिराज विहङ्गराज

राजत्किरीट मणिराजिविराजिताङ्घ्रे ।

राजाधिराज यदुराजकुलाधिराज

गोविन्दराज विजयी भव गोपचन्द्र ॥ ४ ॥

कासारयोगि परमाद्भुत भक्तिबद्ध

वाङ्माल्यभूषि तमहोत्पलरम्यपाद ।

गोपाधिनाथ वसुदेवकुमार कृष्ण

गोविन्दराज विजयी भव गोकुलेन्द्र ॥ ५ ॥

श्रीभूतयोगि परिकल्पित दिव्यमान

ज्ञानप्रदीपपरिदृष्ट गुणामृताब्धे ।

गोगोपजालपरिरक्षणबद्धदीक्ष

गोविन्दराज विजयी भव गोपवन्द्य ॥ ६ ॥

मान्यानुभाव महदाह्वययोगिदृष्ट

श्रीशङ्खचक्र कमलासहितामलाङ्ग ।

गोपीजनप्रियचरित्रविचित्रवेष

गोविन्दराज विजयी भव गोपनाथ ॥ ७ ॥

श्रीमत्वदीयपदपङ्कज भक्तिनिष्ठ

श्रीभक्तिसार मुनिनिश्चितमुख्यतत्त्व ।

गोपीजनार्तिहर गोपजनान्तरङ्ग

गोविन्दराज विजयी भव गोपरत्न ॥ ८ ॥

श्रीमत्पराङ्कुशमुनीन्द्र सहस्रगाथा

संस्तूयमान चरणाम्बुज सर्वशेषिन् ।

गोपालवम्शतिलकाच्युत पद्मनाभ

गोविन्दराज विजयी भव गोपवेष ॥ ९ ॥

शेषाचले महति पादपपक्षिजन्म

त्वद्भक्तितः स्पृहयताकुलशेखरेण ।

राज्ञा पुनःपुनरुपासित पादपद्म

गोविन्दराज विजयी भव गोरसज्ञ ॥ १० ॥

श्रीविष्णुचित्तकृतमङ्गल दिव्यसूक्ते

तन्मानसाम्बुरुहकल्पित नित्यवास ।

गोविन्दराज विजयी भव गोवृषेन्द्र ॥ ११ ॥

श्रीविष्णुचित्तकुलनन्दनकल्पवल्ली

गोपालकान्त विनिवेशितमाल्यलोल ।

गोपाङ्गनाकुचकुलाचलमध्यसुप्त

गोविन्दराज विजयी भव गोधनाढ्य ॥ १२ ॥

भक्ताङ्घ्रिरेणुमुनिना परमं तदीय

शेषत्व माश्रितवता विमलेन नित्यं ।

प्राबोधिकस्तुतिकृता ह्यवबोधित

श्रीगोविन्दराज विजयी भव गोपबन्धो ॥ १३ ॥

श्रीपाणिनामकमहामुनि गीयमान

दिव्यानुभावदयमान दृगञ्चलाढ्य ।

सर्वात्मरक्षणविचक्षण चक्रपाणे

गोविन्दराज विजयी भव गोपिकेन्द्र ॥ १४ ॥

भक्तोत्तमाय परकालमुनीन्द्रनाम्ने

विश्राणितातुल महाधन मूलमन्त्र ।

पूर्णानुकम्पपुरुषोत्तम पुष्कराक्ष

गोविन्दराज विजयी भव गोसनाथ ॥ १५ ॥

सत्त्वोत्तरे चरमपर्वणि सक्तचित्ते

शान्ते सदा मधुरपूर्वकवाङ्मुनीन्द्रे ।

नाथप्रसन्नहृदयाम्बुजनन्दसूनो

गोविन्दराज विजयी भव कुन्ददन्त ॥ १६ ॥

भक्तप्रपन्नकुलनायकभाष्यकार

सङ्कल्पकल्पतरु दिव्यफलामलात्मन् ।

श्रीशेषशैलकटकाश्रित शेषशायिन्

गोविन्दराज विजयी भव विश्वमूर्ते ॥ १७ ॥

देव प्रसीद करुणाकर भक्तवर्गे

सेनापति प्रणिहिताखिललोकभार ।

श्रीवासदिव्यनगराधिपराजराज

गोविन्दराज विजयी भव वेदवेद्य ॥ १८ ॥

श्रीमच्छठारि करुणाश्रितदेवगान

पारज्ञनाथमुनिसन्नुत पुण्यकीर्ते ।

गोब्राह्मणप्रियगुरो श्रितपारिजात

गोविन्दराज जगतां कुरु मङ्गलानि ॥ १९ ॥

इति श्री गोविन्दराज स्तोत्रम् ।