Devotional reading

Sri Garuda Kavacham

About

This original guide introduces Sri Garuda Kavacham and the astrological language named in its title. It is an educational overview, not a personal reading or prediction.

Hymn text

अस्य श्री गरुड कवच स्तोत्रमन्त्रस्य नारद ऋषिः वैनतेयो देवता अनुष्टुप् छन्दः मम श्री वैनतेय प्रीत्यर्थे जपे विनियोगः ।

शिरो मे गरुडः पातु ललाटं विनतासुतः ।

नेत्रे तु सर्पहा पातु कर्णौ पातु सुरार्चितः ॥ १ ॥

नासिकां पातु सर्पारिः वदनं विष्णुवाहनः ।

सूर्यसूतानुजः कण्ठं भुजौ पातु महाबलः ॥ २ ॥

हस्तौ खगेश्वरः पातु कराग्रे तरुणाकृतिः ।

नखान् नखायुधः पातु कक्षौ मुक्तिफलप्रदः ॥ ३ ॥

स्तनौ मे विहगः पातु हृदयं पातु सर्पहा ।

नाभिं पातु महातेजाः कटिं पातु सुधाहरः ॥ ४ ॥

ऊरू पातु महावीरः जानुनी चण्डविक्रमः ।

जङ्घे दण्डायुधः पातु गुल्फौ विष्णुरधः सदा ॥ ५ ॥

सुपर्णः पातु मे पादौ तार्क्ष्यः पादाङ्गुली तथा ।

रोमकूपानि मे वीरो त्वचं पातु भयापहा ॥ ६ ॥

इत्येवं कवचं दिव्यं पापघ्नं सर्वकामदम् ।

यः पठेत् प्रातरुत्थाय विषदोषं प्रणश्यति ॥ ७ ॥

त्रिसन्ध्यं यः पठेन्नित्यं बन्धनात् मुच्यते नरः ।

द्वादशाहं पठेद्यस्तु मुच्यते शत्रुबन्धनात् ॥ ८ ॥

एकवारं पठेद्यस्तु मुच्यते सर्वकिल्बिषैः ।

वज्रपञ्जरनामेदं कवचं बन्धमोचनम् ॥ ९ ॥

इति श्रीनारदगरुडसंवादे श्री गरुड कवचम् ॥