Devotional reading

Sri Ganesha Bhujanga Stuti

Sri Ganesha Bhujanga Stuti

About

This original guide introduces Sri Ganesha Bhujanga Stuti and the astrological language named in its title. It is an educational overview, not a personal reading or prediction.

Hymn text

श्रियः कार्यसिद्धेर्धियः सत्सुखर्धेः

पतिं सज्जनानां गतिं देवतानाम् ।

नियन्तारमन्तः स्वयं भासमानं

भजे विघ्नराजं भवानीतनूजम् ॥ १ ॥

गणानामधीशं गुणानां सदीशं

करीन्द्राननं कृत्तकन्दर्पमानम् ।

चतुर्बाहुयुक्तं चिदानन्दसक्तं

भजे विघ्नराजं भवानीतनूजम् ॥ २ ॥

जगत्प्राणवीर्यं जनत्राणशौर्यं

सुराभीष्टकार्यं सदाऽक्षोभ्य धैर्यम् ।

गुणिश्लाघ्यचर्यं गणाधीशवर्यं

भजे विघ्नराजं भवानीतनूजम् ॥ ३ ॥

चलद्वक्रतुण्डं चतुर्बाहुदण्डं

मदस्राविगण्डं मिलच्चन्द्रखण्डम् ।

कनद्दन्तकाण्डं मुनित्राणशौण्डं

भजे विघ्नराजं भवानीतनूजम् ॥ ४ ॥

निरस्तान्तरायं परिध्वस्तमायं

चिदानन्दकायं सदा मत्सहायम् ।

अजस्रानपायं त्वजं चाप्रमेयं

भजे विघ्नराजं भवानीतनूजम् ॥ ५ ॥

वरं चाभयं पाशपुस्ताक्षसूत्रं

सृणिं बीजपूरं करैः पङ्कजं च ।

दधानं सरोजासनं शक्तियुक्तं

भजे विघ्नराजं भवानीतनूजम् ॥ ६ ॥

समाराधिताङ्घ्रिं महामातृकाभिः ।

समावृत्य संसेवितं देवताभिः

भजे विघ्नराजं भवानीतनूजम् ॥ ७ ॥

श्रुतीनां शिरोभिः स्तुतं सर्वशक्तं

पतिं सिद्धिबुद्ध्योर्गतिं भूसुराणाम् ।

सुराणां वरिष्ठं गणानामधीशं

भजे विघ्नराजं भवानीतनूजम् ॥ ८ ॥

गणाधीशसाम्राज्यसिंहासनस्थं

समाराध्यमब्जासनाद्यैः समस्तैः ।

फणाभृत्समाबद्धतुण्डं प्रसन्नं

भजे विघ्नराजं भवानीतनूजम् ॥ ९ ॥

भुजङ्गाधिराजस्फुरत्कर्णपूरम् ।

कनद्भूतिरुद्राक्षरत्नादिभूषं

भजे विघ्नराजं भवानीतनूजम् ॥ १० ॥

स्फुरद्व्याघ्रचर्मोत्तरीयोपधानं

तुरीयाद्वयात्मानुसन्धान धुर्यम् ।

तपोयोगिवर्यं कृपोदारचर्यं

भजे विघ्नराजं भवानीतनूजम् ॥ ११ ॥

निजज्योतिषा द्योतयन्तं समस्तं

दिवि ज्योतिषां मण्डलं चात्मना च ।

भजद्भक्तसौभाग्यसिद्ध्यर्थबीजं

भजे विघ्नराजं भवानीतनूजम् ॥ १२ ॥

सदावासकल्याणपुर्यां निवासं

गुरोराज्ञया कुर्वता भूसुरेण ।

महायोगिवेल्नाडुसिद्धान्तिना य-

-त्कृतं स्तोत्रमिष्टार्थदं तत्पठध्वम् ॥ १३ ॥

इति श्रीसुब्रह्मण्ययोगि कृत श्रीगणेशभुजङ्ग स्तुतिः ।