Stotra

Sri Dattatreya Ashta Chakra Beeja Stotram

About

Sri Dattatreya Ashta Chakra Beeja Stotram is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

मूलाधारे वारिजपत्रे चतुरस्रं

वं शं षं सं वर्णविशालैः सुविशालैः ।

रक्तं वर्णं श्रीगणनाथं भगवन्तं

दत्तात्रेयं श्रीगुरुमूर्तिं प्रणतोऽस्मि ॥ १ ॥

स्वाधिष्ठाने षड्दलपत्रे तनुलिङ्गे

बालां तावद्वर्णविशालैः सुविशालैः ।

पीतं वर्णं वाक्पतिरूपं द्रुहिणं तं

दत्तात्रेयं श्रीगुरुमूर्तिं प्रणतोऽस्मि ॥ २ ॥

नाभौपद्मे पत्रदशाब्दे ड फ वर्णे

लक्ष्मीकान्तं गरुडारूढं नरवीरम् ।

नीलं वर्णं निर्गुणरूपं निगमान्तं

दत्तात्रेयं श्रीगुरुमूर्तिं प्रणतोऽस्मि ॥ ३ ॥

हृत्पद्मान्ते द्वादशपत्रे क ठ वर्णे

साम्बं शैवं हंसविशेषं शमयन्तम् ।

सर्गस्थित्यन्तं कुर्वन्तं शिवशक्तिं

दत्तात्रेयं श्रीगुरुमूर्तिं प्रणतोऽस्मि ॥ ४ ॥

कण्ठस्थाने चक्रविशुद्धे कमलान्ते

चन्द्राकारे षोडशपत्रे स्वरवर्णे ।

मायाधीशं बीजशिवं तं निजरूपं

दत्तात्रेयं श्रीगुरुमूर्तिं प्रणतोऽस्मि ॥ ५ ॥

आज्ञाचक्रे भृकुटिस्थाने द्विदलान्ते

हं क्षं बीजं ज्ञानसमुद्रं गुरुमूर्तिम् ।

विद्युद्वर्णं ज्ञानमयं तं निटिलाक्षं

दत्तात्रेयं श्रीगुरुमूर्तिं प्रणतोऽस्मि ॥ ६ ॥

मूर्ध्निस्थाने वारिजपत्रे शशिबीजे

शुभ्रं वर्णं पद्मसहस्रं सुविशालम् ।

हं बीजाख्यं वर्णसहस्रं तुरीयान्तं

दत्तात्रेयं श्रीगुरुमूर्तिं प्रणतोऽस्मि ॥ ७ ॥

ब्रह्मानन्दं ब्रह्ममुकुन्दं भगवन्तं

ब्रह्मज्ञानं सत्यमनन्तं भवरूपम् ।

पूर्णं चिद्घनपञ्चमखण्डं शिवरूपं

दत्तात्रेयं श्रीगुरुमूर्तिं प्रणतोऽस्मि ॥ ८ ॥

शान्ताकारं शेषशयानं सुरवन्द्यं

कान्तानाथं कोमलगात्रं कमलाक्षम् ।

चिन्तारत्नं चिद्घनपूर्णं द्विजराजं

दत्तात्रेयं श्रीगुरुमूर्तिं प्रणतोऽस्मि ॥ ९ ॥

इति श्रीमच्छङ्कराचार्यविरचितं अजपाजपस्तोत्रं नाम श्री दत्तात्रेय अष्टचक्रबीज स्तोत्रम् ।