Devotional reading

Sri Datta Shodasa Avatara Shlokah

About

This original guide introduces Sri Datta Shodasa Avatara Shlokah and the astrological language named in its title. It is an educational overview, not a personal reading or prediction.

Hymn text

नमस्ते योगिराजेन्द्र दत्तात्रेय दयानिधे ।

स्मृतिं ते देहि मां रक्ष भक्तिं ते देहि मे धृतिम् ॥

१। योगिराज –

ओं योगिराजाय नमः ।

अद्वयानन्दरूपाय योगमायाधराय च ।

योगिराजाय देवाय श्रीदत्ताय नमो नमः ॥

२। अत्रिवरद –

ओं अत्रिवरदाय नमः ।

मालाकमण्डलुरधः कर पद्मयुग्मे

मध्यस्थपाणियुगले डमरु त्रिशूले ।

यन्यस्त ऊर्ध्वकरयोः शुभ शङ्ख चक्रे

वन्दे तमत्रिवरदं भुजषट्कयुक्तम् ॥

३। दत्तात्रेय –

ओं दत्तात्रेयाय नमः ।

दत्तात्रेयं शिवं शान्तं इन्द्रनीलनिभं प्रभुम् ।

आत्ममायारतं देवं अवधूतं दिगम्बरम् ॥

भस्मोद्धूलितसर्वाङ्गं जटाजूटधरं विभुम् ।

चतुर्बाहुमुदाराङ्गं दत्तात्रेयं नमाम्यहम् ॥

४। कालाग्निशमन –

ओं कालाग्निशमनाय नमः ।

ज्ञानानन्दैक दीप्ताय कालाग्निशमनाय च ।

भक्तारिष्टविनाशाय नमोऽस्तु परमात्मने ॥

५। योगिजनवल्लभ –

ओं योगिजनवल्लभाय नमः ।

योगविज्जननाथाय भक्तानन्दकराय च ।

दत्तात्रेयाय देवाय तेजोरूपाय ते नमः ॥

६। लीलाविश्वम्भर –

ओं लीलाविश्वम्भराय नमः ।

पूर्णब्रह्मस्वरूपाय लीलाविश्वाम्भराय च ।

दत्तात्रेयाय देवाय नमोऽस्तु सर्वसाक्षिणे ॥

७। सिद्धराज –

ओं सिद्धराजाय नमः ।

सर्वसिद्धान्तसिद्धाय देवाय परमात्मने ।

सिद्धराजाय सिद्धाय मन्त्रदात्रे नमो नमः ॥

८। ज्ञानसागर –

ओं ज्ञानसागराय नमः ।

सर्वत्राऽज्ञाननाशाय ज्ञानदीपाय चात्मने ।

सच्चिदानन्दबोधाय श्रीदत्ताय नमो नमः ॥

९। विश्वम्भरावधूत –

ओं विश्वम्भरावधूताय नमः ।

विश्वम्भराय देवाय भक्तप्रियकराय च ।

भक्तप्रियाय देवाय नामप्रियाय ते नमः ॥

१०। मायामुक्तावधूत –

ओं मायामुक्तावधूताय नमः ।

मायामुक्ताय शुद्धाय मायागुणहराय ते ।

शुद्धबुद्धात्मरूपाय नमोऽस्तु परमात्मने ॥

११। मायायुक्तावधूत –

ओं मायायुक्तावधूताय नमः ।

स्वमायागुणगुप्ताय मुक्ताय परमात्मने ।

सर्वत्राऽज्ञाननाशाय देवदेवाय ते नमः ॥

१२। आदिगुरु –

ओं आदिगुरवे नमः ।

चिदात्मज्ञानरूपाय गुरवे ब्रह्मरूपिणे ।

दत्तात्रेयाय देवाय नमोऽस्तु परमात्मने ॥

१३। शिवरूप –

ओं शिवरूपाय नमः ।

संसारदुःखनाशाय हिताय परमात्मने । [शिवाय]

दत्तात्रेयाय देवाय नमोऽस्तु परमात्मने ॥

१४। देवदेव –

ओं देवदेवाय नमः ।

सर्वापराधनाशाय सर्वपापहराय च ।

दत्तात्रेयाय देवाय नमोऽस्तु परमात्मने ॥ [देवदेवाय]

१५। दिगम्बर –

ओं दिगम्बराय नमः ।

दुःखदुर्गतिनाशाय दत्ताय परमात्मने ।

दिगम्बराय शान्ताय नमोऽस्तु बुद्धिसाक्षिणे ॥

१६। कृष्णश्याम कमलनयन –

ओं कृष्णश्यामकमलनयनाय नमः ।

अखण्डाद्वैतरूपाय निर्गुणाय गुणात्मने ।

कृष्णाय पद्मनेत्राय नमोऽस्तु परमात्मने ॥