Devotional reading

Sri Chandra Kavacham

Sri Chandra Kavacham

About

This original guide introduces Sri Chandra Kavacham and the astrological language named in its title. It is an educational overview, not a personal reading or prediction.

Hymn text

अस्य श्रीचन्द्र कवचस्तोत्र महामन्त्रस्य गौतम ऋषिः, अनुष्टुप् छन्दः, सोमो देवता, रं बीजं, सं शक्तिः, ओं कीलकं, सोमग्रह प्रसादसिद्ध्यर्थे जपे विनियोगः ।

करन्यासः ।

वां अङ्गुष्ठाभ्यां नमः ।

वीं तर्जनीभ्यां नमः ।

वूं मध्यमाभ्यां नमः ।

वैं अनामिकाभ्यां नमः ।

वौं कनिष्ठिकाभ्यां नमः ।

वः करतलकरपृष्ठाभ्यां नमः ।

अङ्गन्यासः ।

वां हृदयाय नमः ।

वीं शिरसे स्वाहा ।

वूं शिखायै वषट् ।

वैं कवचाय हुम् ।

वौं नेत्रत्रयाय वौषट् ।

वः अस्त्राय फट् ।

ध्यानम् –

सोमं द्विभुजपद्मं च शुक्लाम्बरधरं शुभं

श्वेतगन्धानुलेपं च मुक्ताभरणभूषणम् ।

श्वेताश्वरथमारूढं मेरुं चैव प्रदक्षिणं

सोमं चतुर्भुजं देवं केयूरमकुटोज्ज्वलम् ॥ १ ॥

वासुदेवस्य नयनं शङ्करस्य च भूषणम् ।

एवं ध्यात्वा जपेन्नित्यं चन्द्रस्य कवचं मुदा ॥ २ ॥

अथ कवचम् –

शशी पातु शिरोदेशे फालं पातु कलानिधिः ।

चक्षुषी चन्द्रमाः पातु श्रुती पातु कलात्मकः ॥ १ ॥

घ्राणं पक्षकरः पातु मुखं कुमुदबान्धवः ।

सोमः करौ तु मे पातु स्कन्धौ पातु सुधात्मकः ॥ २ ॥

ऊरू मैत्रीनिधिः पातु मध्यं पातु निशाकरः ।

कटिं सुधाकरः पातु उरः पातु शशन्धरः ॥ ३ ॥

मृगाङ्को जानुनी पातु जङ्घे पात्वमृताब्धिजः ।

पादौ हिमकरः पातु पातु चन्द्रोऽखिलं वपुः ॥ ४ ॥

एतद्धि कवचं पुण्यं भुक्तिमुक्तिप्रदायकम् ।

यः पठेच्छृणुयाद्वापि सर्वत्र विजयी भवेत् ॥ ५ ॥

इति श्रीब्रह्मवैवर्त महापुराणे दक्षिणखण्डे श्री चन्द्र कवचम् ।